මේ වන විට උණුසුම් මාතෘකාවක් වී තිබෙන අනුර – සජිත් විවාදය මෙහෙයවීම සඳහා ජ්යෙෂ්ඨ මාධ්යවේදියෙක්ව දෙපාර්ශවයේම කැමැත්තෙන් යෝජනා වී තිබෙනවා.
දේශපාලන කරලිය තුළද විටෙන් විට වැඩි කතා බහකට ලක්වෙන මෙම මාධ්යවේදියා එම විවාදය සංවිධානය කිරීම මෙන්ම මෙහෙයවීමේ කටයුතුද සිදුකෙරෙනු ඇති.
ඒ අනුව එළැඹෙන සිංහල – දෙමළ අලුත් අවුරුද්දෙන් අනතුරුව එම විවාදය පැවැත්වෙන ආකාරය පිළිබදව සාකච්ඡා ආරම්භ කෙරෙන අතර එහි ප්රතිඵලයක් ලෙසට එය පැවැත්වෙන දිනයක්, වේලාවක් හා ස්ථානයක් ස්ථීර කිරීමට නියමතයි.
කෙසේවෙතත් මෙම විවාදය කිසිදු රූපවාහිනී නාලිකාවක් වෙත ගොස් පැවැත්වීමට දෙපාර්ශවයම අකමැත්ත පලකර තිබෙනවා.
මේ හේතුවෙන් යම් ස්ථානයක එම විවාදය සූදානම් කර එම ස්ථානය වෙත ඕනෑම මාධ්ය නාලිකාවන් හෝ සමාජ මාධ්ය නාලිකාවන් පැමිණ එය සජීවීව විකාශය කිරීමේ පහසුකම් සැලසෙනු අති.
සමගි ජනබලවේගයේ ආර්ථික කමිටුව සමඟ එක් විවාදයක් හා ජනාධිපතිවරණය පිළිබදව එක් විවාදයක් ලෙසට විවාද දෙකක් පැවැත්වීමට යෝජනා වී තිබුණත් විවාද දෙකක් ලෙසට නොව එක් විවාදයක් ලෙසටද මෙය පැවැත්වීමේ හැකියාව පිළිබදවද මේ වන විට සාකච්ඡා කෙරෙන බවද News19 ප්රවෘත්ති අංශය වෙත තොරතුරු වාර්තා වනවා.
මෙහි සංවිධාන කටයුතු සදහා සමගි ජනබලවේගය පක්ෂය පාර්ශවයෙන් පාර්ලිමේන්තු මන්ත්රී නලීන් බණ්ඩාර මහතාත් ජාතික ජනබලවේගය පක්ෂය පාර්ශවයෙන් වෛද්ය නලින්ද ජයතිස්ස මහතාත් මේ වන විට පත්කර තිබෙනවා.
කෙසේවෙතත් පසුගියදා කොළඹ විපක්ෂ නායක කාර්යාලයේ පැවති ප්රවෘත්ති සාකච්ඡාවකදී සමගි ජනබලවේගයේ පාර්ලිමේන්තු මන්ත්රී නලින් බණ්ඩාර මහතා සදහන් කළේ සමගි ජනබලවේගයේ ආර්ථික කමිටුව සමඟ විවාද නොකර පලායාමට ජාතික ජන බලවේගය උත්සහ කරන බවයි.