මාන්කුලම් – වසන්තනගර් හන්දියේදී මාන්කුලම් දෙස සිට කිළිනොච්චිය දෙසට ධාවනය වූ ලොරි රථයක් ඊට ඉදිරියෙන් ගමන් ගත් යුද හමුදා සෙබලුන් රැගත් කැබ් රථයක ගැටී අනතුරක් සිදුව තිබෙනවා.
අනතුරින් කැබ් රථයේ පිටුපස ගමන් කළ හමුදා සෙබලෙක් රථයෙන් විසි වී ගොස් පිටුපසින් පැමිණි ලොරියේ ගැටී බරපතල තුවාල ලබා කිලිනොච්චිය රෝහලට ඇතුළත් කරන විටත් ජීවිතක්ෂයට පත්ව තිබූ බවයි වාර්තා වන්නේ.
තවත් සෙබළුන් 09ක් තුවාල ලබා කිලිනොච්චිය රෝහලට ඇතුළත් කර තිබෙනවා.
මෙලෙස ජීවිතක්ෂයට පත්ව ඇත්තේ, ඇහැටුවැව ගල්ගමුව ප්රදේශයේ පදිංචි අවුරුදු 39ක් වන යුද හමුදා සෙබළෙක් බවයි වාර්තා වන්නේ.
ඔහුගේ මෘත ශරීරය මේ වන විට කිළිනොච්චිය රෝහලේ තැන්පත් කර තිබෙනවා.
අනතුර සම්බන්ධයෙන් ලොරි රථයේ රියැදුරු අත්අඩංගුවට ගෙන ඇති අතර මාන්කුලම පොලිසිය වැඩිදුර පරීක්ෂණ ක්රියාත්මක කරනු ලබනවා.