නිලධාරීන්ගේ උග්ර හිඟයෙන් ජාතික විගණන කාර්යාලයේ විගණන විමර්ශනවලට දැඩි බලපෑම් මතුව තිබෙන බව වාර්තා වනවා.
විගණන දෙපාර්තමේන්තුවේ නිලධාරීන් 2400ක් සිටිය යුතු තැන දැනට සිටින්නේ 1400ක් බවයි වාර්තා වන්නේ.
භාෂා පරිවර්තකයන්ගේ හිඟය හේතුවෙන් විගණන වාර්තා නිකුත් කිරීමද පමාවී ඇති බවත් සදහන් වනවා.
නිලධාරී හිඟය හේතුවෙන් විෂය පථයන් සීමා කර වැඩ කිරීමට සිදුව ඇති බවත් වාර්තා වනවා.
මේ සම්බන්ධයෙන් රජයේ විගණකාධිපති ඩබ්ලිව්.පී.සී වික්රමරත්න මහතා පැවසුවේ, විගණන නිලධාරීන්ගේ හිඟය හේතුවෙන් විගණන කටයුතුවලට බාධා මතුව ඇති බවයි.
විගණන අධිකාරීවරුන් 165 දෙනකු සහ විගණන නිලධාරින් 465 දෙනකු බඳවා ගැනීමට කටයුතු කරගෙන යන බවත්, විගණන නිලධාරී පුරප්පාඩු සඳහා අයදුම්පත් 600ක් පමණ ලැබී ඇති බවත් ඔහු වැඩිදුරටත් පවසනවා.