පකිස්තානයේ ඉස්ලාමාබාද් අගනුවර පානීය ජල සැපයුම ඉදිරි දින කිහිපය තුළ සම්පූර්ණයෙන්ම අත්හිටුවීමට සිදුවනු ඇතැයි එරට රාජ්ය ජල ඒජන්සිය සදහන් කර තිබේ.
ඉස්ලාමාබාද් අගනුවරට සහ රාවල්පිණ්ඩි නගරයට ජලය සැපයෙන කාන්පූර් වේල්ලේ ජලමට්ටම පහළයාම ඊට හේතුවෙයි.
මේ හේතුවෙන් අගනුවර වැසියන් මුහුණදිය හැකි දරුණු අර්බුදයට විසදුම් සෙවීම සදහා වහාම මැදිහත්වී කටයුතු කරන්නැයි එරට ජල ඒජන්සිය රාජ්ය බලධාරීන් වෙතින් ඉල්ලීමක් ද කර තිබේ.
ලෝකයේ ජල ආරක්ෂාව පිළිබද වඩාත්ම ගැටලු සහගත රටවල් අතර තුන්වන ස්ථානයේ පසුවන්නේ පකිස්තානය බව ජාත්යන්තර මූල්ය අරමුදල පවා පසුගියදා සදහන් කර තිබිණ.