නිරෝධායන නීති උල්ලංඝනය කරමින් කොළඹ තරු පන්තියේ හෝටලයක උපන්දින සාදයක් පැවැත් වීමේ සිද්ධිය සම්බන්ධයෙන් අත්අඩංගුවට ගනු ලැබූ සැකකරුවන් හත්දෙනෙකු රුපියල් ලක්ෂය බැගින්වූ පුද්ගලික ඇප මත මුදාහැරීමට කොළඹ මහේස්ත්රාත් අධිකරණය නියම කළා.
පොලීසිය පවසන්නේ අදාළ පුද්ගලයින් සම්බන්ධයෙන් නිරෝධායන රීති යටතේ ඉදිරි කටයුතු සිදුකරන බවයි.
පසුගිය 30 වැනිදා මධ්යම රාත්රීයේ කොළඹ තරු පහේ හෝටලයක දී නිරෝධායන රීතින් උල්ලංඝනය කරමින් එම උපන්දින සාදය පවත්වා තිබුණි.
ඒ සම්බන්ධයෙන්, කොළඹ අපරාධ කොට්ඨාශය මගින් අත්අඩංගුවට ගනු ලැබූ සැකකරුවන් සිව්දෙනෙකු සහ සැකකාරියන් තුන් දෙනෙකු අද (04) කොළඹ අතිරේක මහේස්ත්රාත් වයි. ප්රභාකරන් මහතා හමුවට ඉදිරිපත් කරනු ලැබුවා.
අත්අඩංගුවට ගත් සැකකරුවන් අතර රූපලාවන්ය ශිල්පී චන්දිමාල් ජයසිංහ මහතාගේ මෑණියන් වන 73 හැවිරිදි කුරුවිට ගමගේ ගුණවතී සිල්වා, ඔහුගේ ඥාති දියණියක් වන 16 හැවිරිදි කේ.ජී. අනර්කලී ආකර්ෂා සහ මාධවී ඇන්තනි යන අය ද ඇතුළත් වුණා.
මෙහිදී මාධවී ඇන්තනී නමැති සැකකාරිය වෙනුවෙන් පෙනී සිටි නීතිඥ මේරි ඩික්මන් මහත්මිය අධිකරණය හමුවේ කරුණු දක්වමින් කොරෝනා ආසාදිතයින් නිවසේ දී නිරෝධායනයට ලක් කිරීම රජයේ වත්මන් ප්රතිපත්තිය වී ඇතැයි සඳහන් කළා.
ඒ අනුව මෙම සැකකරුවන් නිවසේදීම නිරෝධායනයට ලක් කිරීමට පියවර ගන්නා ලෙසද ඇය අධිකරනයෙන් ඉල්ලා සිටියා.
එහිදී සහකාර පොලිස් අධිකාරී නෙවිල් ද සිල්වා මහතා අධිකරණය හමුවේ කරුණු දක්වමින් මේ පිළිබඳව තීරණය කළ යුත්තේ මහජන සෞඛ්ය පරීක්ෂකවරයා බව පෙන්වා දුන්නා.
ඉදිරිපත් වූ කරුණු සලකා බැලූ මහේස්ත්රාත්වරයා සියලුම සැකකරුවන් රුපියල් ලක්ෂය බැගින්වූ පුද්ගලික ඇප මත මුදාහැරීමට නියෝග කළ අතර පැමිණිල්ල නැවත අගෝස්තු මස 27 වනදා කැඳවීමට ද නියම කළා.
කෙසේ නමුත්, එම උපන්දින සාදය සංවිධානය කළ බවට චෝදනා එල්ල වූ රූපලාවන්ය ශිල්පී චන්දිමාල් ජයසිංහ සහ මෝස්තර නිරූපණ ශිල්පිනි පියුමි හංසමාලි මීට පෙර අත්අඩංගුවට ගෙන අධිකරණයෙන් ඇප නියම වුණි. වූ අතර පසුව පියුමි හංසමාලි ඇතුළු පිරිසක් නිරෝධායනය වෙත යොමු කෙරුණේ මේ අයුරින්.
සබැඳි ලිපි..
