චීනය සමග මුහුදු සීමා අර්බුදයක පැටලී සිටින පිලිපීනයේ සහයට ඇමරිකාව ඉදිරිපත්වීමත් සමග නැගෙනහිර චීන මුහුදේ අර්බුද උත්සන්න වී තිබේ.
චීනය විසින් තම මුහුදු කලාපවලට අනවසරයෙන් පිවිසෙන බවට ජපානය සහ පිලිපීනය දිගින් දිගටම චෝදනා කරමින් සිටියි.
චීනය,සහ පිලිපීනය යන දෙපාර්ශවයම අයිතිවාසිකම් කියන විත්සුවාන් පරය ආශ්රීත මුහුදේ චීන ධීවර යාත්රා රැසක් මේ වනවිට අනවසරයෙන් මසුන් මැරීමේ යෙදී සිටින අතර ඔවුන් ඉවත් කිරීම සදහා පිලිපීනය නාවික සහ ගුවන් මෙහෙයුම් ආරම්භ කර තිබේ.
කෙසේවෙතත් චීන යාත්රා ඉවත් කිරීම අසීරු වී ඇති අතර ඇමරිකාව පවසා ඇත්තේ මෙය එක්තරා ආකාරයක සන්නද්ධ කඩාවැදීමක් බවයි.
එයට මුහුණදීම සදහා පිලීපීනයට අවශ්ය ඕනෑම සහයක් ලබාදීමට සූදානම් බව ඇමරිකානු රාජ්ය ලේකම් ඇන්තනි බ්ලින්කන් ප්රකාශ කර තිබේ.