බි‍්‍රතාන්‍ය පාර්ලිමේන්තු කමිටුවක් හින්දු, කි‍්‍රස්තියානි, සීක්, බෞද්ධ සහ අහමදි මුස්ලිම් වැනි ආගමික සුළුතරයන්ට හිංසා කිරීම සම්බන්ධයෙන් පාකිස්තාන රජයට දොස් පවරා ඇති බව විදෙස් මාධ්‍ය වාර්තා කරයි.
විදේශ, පොදුරාජ්‍ය මණ්ඩලීය සහ සංවර්ධන කාර්යාලය පසුගියදා “පකිස්ථානයට එක්සත් රාජධානියේ ආධාර” (UK Aid to Pakistan)” යන මාතෘකාවෙන් යුත් වාර්තාවක් ප්‍රකාශයට පත් කළ අතර එමඟින් පාකිස්ථානයේ ආගමික නීති පුද්ගලික ආරවුල් විසඳීමට සහ සුළුතර ආගම් ඉලක්ක කිරීමට නිතර නිතර අවභාවිත වන බව සදහන් කරන තිබේ.
ආගමික සුළු ජාතීන්ට, ප්‍රධාන ආගමට අවමන් කිරීම සම්බන්ධයෙන් පදනම් විරහිත චෝදනාවලට ලක්වීමේ සිද්ධීන් මෑත කාලීනව වැඩි වශයෙන් වාර්තා වී ඇති අතර, ඒවායින් සමහරක් ප්‍රචණ්ඩ ඝාතනවලට හේතු වී ඇති බව වාර්තාවේ වැඩිදුරටත් සඳහන් වේ.
පාකිස්ථානය තුල විවිධ සටන්කාමී කණ්ඩායම් 40ක් ක්‍රියාත්මක වන බවත්, රට තුළ සටන්කාමීන් 40,000ක් පමණ සිටින බවත් බොහෝ විට ආගමික සුළු ජාතීන් මෙම අන්තවාදී කණ්ඩායම්වල ඉලක්ක වී ඇති බවත් පැවසේ.
ආගමික සහ සංස්කෘතික පසුබිමට අනන්‍ය වූ ඇඳුම් අඳින සුළු ආගමික කාන්තාවන් ඉලක්ක කර හිරිහැර කිරීම සිදු කරන බවද එම වාර්තාවේ සඳහන් වේ.
පකිස්ථානයේ පසුගිය වසර පහක කාලය තුළ සෑම වසරකම කාන්තාවන් සහ ගැහැණු ළමුන් 1,000ක් පමණ බලහත්කාරයෙන් ඉස්ලාම් ආගමට හරවා ගෙන ඇති බවද පැවසේ.
