රටේ පරිපාලනයේ වැදගත් ස්ථාන සඳහා හමුදා නිලධාරීන් පත්කර ඇති බවත් යුද්ධ කර පලපුරුද්දක් ඇති පුද්ගලයන් හට රටක් පාලනය කළ නොහැකි බවත් ගැටඹේ රාජෝපවනාරාම විහාරාධිපති පූජ්ය කැප්පිටියාගොඩ සිරිවිමල හිමියන් පවසනවා.
උන්වහන්සේ සඳහන් කරන්නේ එවැනි පුද්ගලයින් මේ වන විට ‘පිස්සු නටමින්’ සිටින බවයි.
සිරිවිමල හිමියන් මෙම අදහස් පලකළේ පාර්ලිමේන්තු මන්ත්රී එස්.බී. දිසානායක මහතා සමඟ පැවති සාකච්ඡාවකදීය.
ඇමරිකානු ජනාධිපතිවරයා ජනප්රියත්වයේ හිනිපෙත්තේ සිටියද තමන් හොඳටම වැටී ඇති බවට ගෝඨාභය රාජපක්ෂ මහතා පැවසූ බව එස්.බී. දිසානායක මහතා මෙහිදී සඳහන් කළා.
ජනාධිපතිවරයා ජනාධිපතිවරණයේදී පොරොන්දුවූ කිසිවක් මේ වන තෙක් සිදුකර නොමැති බවත් අධ්යාපන අමාත්ය ජී.ඇල්.පීරිස් මහතා අධ්යාපන අමාත්යාංශය වෙනුවෙන් කිසිදු කටයුත්තක් සිදු නොකරන බවද මන්ත්රීවරයා සිරිවිමල හිමියන් වෙත පැවසුවා.
මෙරට මුදල් අවශ්යතාවය සඳහා ඇති පමණ මුදල් ලබාගන්නා ලෙසත් එම මුදල් කැමති කාලයක නැවත ලබා දෙන ලෙසත් චීන රජය දැනුම්දී ඇති බවත් එස්. බී. දිසානායක මහතා වැඩිදුරටත් සඳහන් කළා.
ඊට අදාල දර්ශන පහතින්,