රටේ මුදල් සංචිත අඩුවීම සහ විදේශ ගෙවීම් අර්බුදයෙන් මිදීම සඳහා චීන රාජ්‍ය බැංකු සමූහයක් පාකිස්තානයට ඇමරිකානු ඩොලර් බිලියන 2.3 ක ණය මුදලක් අනුමත කර ඇති බව එරට මුදල් අමාත්‍ය මිෆ්තා ඉස්මයිල් පවසා තිබේ.
චීන බැංකු සහ පාකිස්තානය අතර මීට පෙර ඇමරිකානු ඩොලර් බිලියන 2.3 ක ණය පහසුකම් ගිවිසුමක් අත්සන් කර තිබු බවත් ණය ගිවිසුම යටතේ දින කිහිපයකින් මුදල් ලැබෙනු ඇති අපේක්ෂා කරන බව මිෆ්තා ඉස්මයිල් පවසා ඇති බව පාකිස්තානයේ මාධය වාර්තා කර ඇත.
පාකිස්තාන පාර්ශ්වයෙන් ඊට අත්සන් කිරීමෙන් පසු චීන බැංකු සමූහය RMB බිලියන 15 (ඩොලර් බිලියන 2.3) ණය පහසුකම් ගිවිසුමට අත්සන් කර ඇති බව අදාළ වාර්තාවල වැඩිදුරටත් සදහන් වේ.
මේ අතර චීන බැංකු එකමුතුව ණය පහසුකම් ගිවිසුමට අත්සන් කිරීම සම්බන්ධයෙන් චීන ජනාධිපති ෂී ජින්පින්ට, විදේශ අමාත්‍යවරයාට සහ චීන ජනතාවට කෘතඥ වන බව පාකිස්තාන විදේශ අමාත්‍ය බිලාවල් බූතෝ සර්දාරි පවසා තිබේ.
පාකිස්තානය ගැඹුරු මූල්‍ය අර්බුදයකට පත්ව ඇති අතර, පාකිස්තානය ජාත්‍යන්තර මූල්‍ය අරමුදල (IMF) සමඟ සාකච්ඡා පවතින අතරතුර මෙම වර්ධනය සිදු වී ඇත.
