චීන කොමියුනිස්ට් පක්ෂය සාපරාධී සංවිධාන කිහිපයක් සමඟ ඩොලර් බිලියන ගණනින් මුදල් විශුද්ධිකරණය කිරීම සඳහා සහයෝගයෙන් කටයුතු කරන බවට ඉතාලි බදු පොලිසිය විසින් අනාවරණය කර ගෙන ඇති බව වාර්තා වේ.
ඉතාලියේ Bitter Winter පුවත් සේවය් වාර්තා කර ඇති ආකාරයට Guadia di Finanza, පොලිස් බලකාය බ්රේසියා හි ව්යාපාරික කටයුතුවල නිරත අඹුසැමි යුවලක් සම්බන්ධයෙන් කළ විමර්ශනයකදී මීට අදාළ සාක්ෂි අනාවරණය කර ගෙන ඇත.
මෙම යුවළ විසින් කිසි දිනෙක ඉතාලියට ගෙන්වා නොමැති ලෝහ මිශ්ර නිෂ්පාදන සඳහා ගෙවීම් ලෙස යුරෝ මිලියන 4.5 ක් ස්ලෝවේනියාවට සහ අනෙකුත් නැගෙනහිර යුරෝපීය රටවලට යවා ඇතැයි කියනු ලැබේ.
පොලිසිය ඔවුන්ගේ ගෙවත්තේ කළ කැනීම්වලදී වල දමා තිබූ යූරෝ මිලියන 11ක මුදල් සොයා ගෙන තිබේ. මෙම මුදල් සියල්ල චීනයෙන් පැමිණ ඇති බව Bitter Winter වාර්තා කරයි.
මෙය Silk Road නමින් හැඳින්වෙන විමර්ශනය යටතේ අනාවරණය කර ගත්තකි.
ඉතාලියේ වෙසෙන චීන ජාතිකයන් නීත්යානුකූලව මුදල් මාරු කිරීම යුරෝ බිලියන 5 සිට යුරෝ මිලියන 9 දක්වා අඩු වීම සම්බන්ධයෙන් සැලකිලිමත් වූ ඉතාලි බලධාරීන් ඒ සම්බන්ධයෙන් විමර්ශන ආරම්භ කර තිබේ.
ඒ අනුව රෝමයේ ෆියුමිසිනෝ ගුවන් තොටුපළේදී චීනයට යන සංචාරකයින්ගේ ගමන් මලුවල සඟවා තිබූ යුරෝ මිලියන 37ක් වටිනා මුදල් සොයාගෙන ඇත.
එපමණක් නොව, මුදල් වෙනුවට චීනයට ප්රවාහනය කිරීමට පහසුවන ලෙස රත්රං ලබා දුන් ටස්කනි හි ස්වර්ණාභරණ වෙළෙන්දෙකු ද පොලිස් භාරයට ගෙන තිබේ.