අක්රිය වී ඇති නොරෝච්චෝලේ ගල්අඟුරු විදුලි බලාගාරයේ ජනන යන්ත්රය පරීක්ෂා කිරීම සඳහා චීන විශේෂඥයෙකු මෙරටට පැමිණෙන බව ලංකා විදුලි බල මණ්ඩලය පවසනවා.
අදාල ජනන යන්ත්රය කඩිනමින් අලුත්වැඩියා කර මොගාවොට් 300 ධාරිතාවක් කඩිනමින් ජාතික විදුලි පද්ධතියට එක් කිරිමට අපේක්ෂා කරන බවයි එහි සභාපති එම්.එම්.සි. ෆර්ඩිනැන්ඩු මහතා සඳහන් කරන්නේ.
ඒ සමග විදුලි සැපයුම සම්බන්ධයෙන් මේ වන විට උද්ගතව ඇති තත්ත්වය බොහෝ දුරට නිරාකරණය වනු ඇති බවත් ඔහු පවසනවා.
මේ අතර, නොරෝච්චෝලේ විදුලි බලාගාරයට අවශ්ය ගල්අඟුරු සැපයුම බාධාවකින් තොරව සම්පාදනය කිරිමට වැඩ පිළිවෙළක් සකස් කර ඇති බවත් මෙම වසරේ මැයි මාසය දක්වා ගල්අඟුරු තොග ප්රමාණවත්ව ඇති බවත් විදුලිබල මණ්ඩල සභාපති එම්.එම්.සි. ෆර්ඩිනැන්ඩු මහතා වැඩිදුරටත් පවසනවා.