විවිධ ප්රදේශවල විවිධ වයස් කාණ්ඩවලට නිසි ක්රමවේදයෙන් බැහැරව යුදහමුදාව හරහා ෆයිසර් එන්නත් ලබාදීම අනුමත නොකරන බව රජයේ වෛද්ය නිලධාරීන්ගේ සංගමය චෝදනා කරනවා.
එන්නත්කරණය සිදුකිරීමට සුදුසුම ස්ථානය රෝහල් පද්ධතිය බවත් විවිධ උයන් වැනි ස්ථාන වල එන්නත්කරණය සිදු කිරීම අනුචිත බවත් එම සංගමයේ සහකාර ලේකම් වෛද්ය සමන්ත ආනන්ද මහතා පෙන්වා දෙනවා.
වර්තමානය වන විට, රෝහල් සඳහා කොරෝනා මර්දන එන්නත් මාත්රා සුළු ප්රමාණයක් නිකුත් කෙරෙන අතර යුද හමුදාවට කිසිදු හිඟයකින් තොරව අඛණ්ඩව එන්නත් සැපයීම සිදු කරන බවයි ඔහු පවසන්නේ.
සෞඛ්ය වෛද්ය නිලධාරී කාර්යාල එන්නත්කරණ ක්රියාවලියට සමගාමීව රෝහල් පද්ධතියද ඊට අනුබද්ධ කිරීම හරහා එන්නත් මාත්රා ලක්ෂ 5 සීමාව ඉක්මවා දෛනිකව ලබා දිය හැකි බව ක්රියාවෙන් සනාථ කර ඇති බවත් රෝහල් සහ සෞඛ්ය වෛද්ය නිලධාරී එන්නත් මධ්යස්ථාන වෙත එන්නත් සුළු වශයෙන් නිකුත් කිරීම නිසා මේ වන විට එම මධ්යස්ථාන වල අධික තදබදයක් ඇතිවී ඇති වී ඒ හේතුවෙන් ජනතාව දැඩි අවදානමකට ලක්ව ඇති බවත් වෛද්යවරයා පවසනවා.
මෙරට පමණක් නොව ලෝකය පුරා කීර්තියක් අත්කරගෙන ඇති ශ්රී ලංකාවේ සෞඛ්ය සේවාව සහ එන්නත්කරණ වැඩසටහන අපකීර්තියට පත් කරමින් සහ ජනතාව අපහසුතාවයට හා අවදානමට ලක් කරමින් සිදුකෙරෙන මෙම ක්රියාවලිය පිළිබඳව අප්රසාදය පළකරන බවත් මේ සම්බන්ධයෙන් සෞඛ්ය අමාත්යවරයාටද පැමිණිලි කළ බවත් රජයේ වෛද්ය නිලධාරීන්ගේ සංගමය පවසනවා.