25 C
Colombo
Friday, December 3, 2021

ආණ්ඩුවෙන් කොරෝනා! උද්ඝෝෂකයන්ගේ ජීවිත අනතුරේ

- Advertisement -

කොතලාවල ආරක්ෂක විශ්වවිද්‍යාල පණතට එරෙහි කෙරුණු මහජන සටනේ මුල් පෙළ නියෝජනය කළ පෙරටුගාමී සමාජවාදී පක්ෂයේ පාලක ලේකම් චමීර කොස්වත්ත, අන්තර් විශ්වවිද්‍යාල ශිෂ්‍ය බල මණ්ඩලයේ කැඳවුම්කරු වසන්ත මුදලිගේ, ජයවර්ධන විශ්වවිද්‍යාලයේ මහාශිෂ්‍ය සංගමයේ සභාපති අමිල සංදීප් යන අයට කොවිඩ් වෛරසය ආසාදනය වී තිබේ.

පොදු දේපළවලට හානි කළැයි චෝදනා කරමින් මේ පිරිස අත්අඩංගුවට ගනු ලැබුවේ මේ මස (අගෝස්තු) මුල් සතියේ දී ය. අත්අඩංගුවට ගැනීමෙන් පසුව නිරෝධායන ක්‍රියාවලියකට ද ලක් වූ මේ පිරිසට ඒ අනුව කොරෝනා ආසාදනය වී තිබෙන්නේ බන්ධනාගාර දෙපාර්තමේන්තුව භාරයේ දී බව පැහැදිලි ය.

උද්ඝෝෂණ හරහා කොවිඩ් බෝවෙන බවට චෝදනා කළ ආණ්ඩුව උද්ඝෝෂකයන් බන්ධනාගාරගත කර සංවිධානාත්මකව කොරෝනා බෝ කරන බවට පෙරටුගාමී සමාජවාදී පක්ෂයේ අධ්‍යාපන ලේකම් පුබුදු ජයගොඩ ඊයේ මාධ්‍ය හමුවේ චෝදනා ක‍ළේය.

බදුල්ල තල්දෙන ප්‍රදේශයේ රඳවාගෙන සිටි චමීර ඇතුළු පිරිස මේ වන විට යාපනයේ ඉයක්කච්චි නම් ප්‍රදේශයේ නිරෝධායන ප්‍රතිකාර මධ්‍යස්ථානයකට රැගෙන ගොස් තිබෙන බව ආරංචි මාර්ග සඳහන් කරයි.

රක්ෂිත බන්ධනාගාරගත කර සිටින බැවින් මේ රෝගීන් සමඟ කිසිදු බාහිර පාර්ශ්වයකට ගනුදෙනු කළ නොහැකි අතර මේ අයගේ ජීවිත සම්බන්ධයෙන් වගකීම ආණ්ඩුව භාර ගත යුතු බව සමාජ මාධ්‍ය හරහා හඬක් නැගෙමින් තිබේ.

කොවිඩ් වසංගත සන්දර්භය යනු, සාමාන්‍ය කාලවානුවකදී මෙන් නොව, බොහෝ සීමාකම් සහිත කාලයකි. හැරත් යමෙකු බන්ධනාගාරගතව සිටින්නේ නම් ඔහුට එයටත් වඩා සීමාකම් පැනවේ. කොවිඩ් ආසාදිතයෙක් යැ යි කී පසු, බොහෝ දෙනෙකු ආසන්නයට පවා නොපැමිණේ.

මළ පසු ආදාහනය දක්වා කිසිවෙකුට යමක් සොයා බැලීමට නොහැකිය. ආදාහනාගාරගත කොට අළු සුළඟට මුසු වී යෑම දක්වා බලය ඇත්තේ ආණ්ඩුවට ය.

බන්ධනාගාරගත කෙරුණු මිනිසුන්ගේ ජීවිත සම්බන්ධයෙන් වන වගකීම අරභයා ශ්‍රී ලංකා රාජ්‍යය පූර්වයෙහි පෙන්වා තිබෙන්නේ අතිශය නරක පූර්වාදර්ශයන් බැවින් තම විරුද්ධවාදීන්ගේ ජීවිත සම්බන්ධයෙන් මෙලෙස බරපතළ ලෙස මැදිහත්වීමට ආණ්ඩුවට ලැබී තිබෙන අවස්ථාව ගැන ප්‍රජාතන්ත්‍රවාදය, මානව නිදහස, නීතියේ ආධිපත්‍යය ඉහළින් අගයන මිනිසුන් වඩා බලපෑම්සහගත ලෙස මැදිහත් විය යුතු බව අපගේ හැඟීමයි.

– සඳුන් ප්‍රියංකර විතානගේ –

RECENT ARTICLES - SINHALA

ඔමික්‍රෝන් ඉන්දියාවටත් කඩා වදියි

0
ඔමික්‍රෝන් කොවිඩ් ප්‍රභේදය ආසාදනය වූ පුද්ගලයින් දෙදෙනෙක් අසල්වැසි ඉන්දියාවෙන් හමුවී තිබෙන බව වාර්තා වෙයි. එරට මාධ්‍ය පැවසුවේ ආසාදිතයින් දෙදෙනෙක්...

චීනය මෙරට විදුලිය ව්‍යාපෘතියක් අත්හිටුවීමට තීරණය ක‍රයි

ඩෙල්ෆ්,නයනතිව්,අනලතිව් දූපත් වල ක්‍රියාත්මක කිරීමට සූදානම් වූ විදුලිය ව්‍යාපෘති අත්හිටුවීමට තීරණය කළ බව මෙරට චීන තානාපති කාර්යාලය පවසනවා. ඒ,...

බාල චීන පොහොර නැව තවමත් ශ්‍රී ලංකා මුහුදේ

උපද්‍රවකාරී ක්ෂුද්‍ර ජීවින් ඇති බවට දෙවරක් තහවුරු කරන ලද චීන පොහොර තොගය රැගත් හිපෝ ස්පිරිට් නෞකාව තමත් ශ්‍රී ලංකා මුහුදු තීරයේ රැඳී...

RECENT ARTICLES - ENGLISH

Allow MPs to attend universities without facing entrance examinations

0
Parliamentarians should be allowed to enrol in the Sri Lanka Law College or any other university to further their studies, Chief Opposition...

Azath Salley acquitted and released by Court

0
Former Western Province Governor Azath Salley was acquitted of charges of creating communal disharmony this morning (2) by Colombo High Court judge...

Gas explosions: Authorities to obtain reports on gas smell

0
It has been decided to the release the gas to the local market after obtaining a report on gas smell, during the...