ජනප්‍රිය රංගන ශිල්පී බිමල් ජයකොඩි හට කොවිඩ් 19 ආසාදනය වී ඇති බවට ඔහුට සිදුකරන ලද PCR පරීක්ෂණයකින් තහවුරු වී ඇත.
මේ පිළිබදව සිය නිල ෆේස්බුක් පිටුවේ සටහනක් තබමින් බිමල් ජයකොඩි පවසා ඇත්තේ ඊයේ (28) උදෑසන සිදුකරන ලද PCR පරීක්ෂණයක් මගින් තමන් ආසාදිත බවට තහවුරු වූ බවයි.
කෙසේ වෙතත් තමන් වෛරසය ආසාදනය වූ බවට සිතන දිනයේ සිට කිසිදු කලා කටයුත්තකට සහභාගී නොවූ බවත් එම කාලය තුළ ඔහු ආගිය තැන්වලට අදාල පුද්ගලයන්ට ඒ පිළිබදව දැනුවත් කිරීමට කටයුතු කල බවත් බිමල් එම සටහනෙහි දක්වා තිබෙනවා.
බිමල් ජයකොඩි විවාහ වී සිටින්නේ ජනප්‍රිය රංගන ශිල්පිනී සුජානි මේනකා සමඟ වන අතර ඔහු ගීතා කාන්ති ජයකොඩි හා පබෝධා සංදීපනීගේ ඥාතියෙක්ද වනවා.
