මාධ්‍යවේදී ප්‍රගීත් එක්නැලිගොඩ මහතා අතුරුදන්කරවීම සම්බන්ධ නඩුවේ ප්‍රධාන විමර්ශන නිලධාරියා වූ අපරාධ පරීක්ෂණ දෙපාර්තමේන්තුවේ හිටපු අධ්‍යක්ෂ, ජ්‍යේෂ්ඨ පොලිස් අධිකාරී ශානි අබේසේකර මහතා සාක්ෂි සඳහා නොකැඳවීම බරපතළ පාඩුවක් බව නීතීඥ උපුල් කුමරප්පෙරුම මහතා පවසනවා.
මෙම නඩුව ඊයේ (30) කොළඹ ත්‍රිපුද්ගල මහාධිකරණය හමුවේ කැඳවූ අවස්ථාවේදී අගතියට පත් පාර්ශ්වය වෙනුවෙන් පෙනී සිටිමින් නීතීඥ උපුල් කුමරප්පෙරුම මහතා අධිකරණය ඉදිරියේ මෙම කරුණු දැක්වූවා.
කුමරප්පෙරුම මහතා පෙන්වා දෙන්නේ එම විමර්ශන සම්බන්ධයෙන් සියලුම කරුණු හොඳින්ම දන්නා පුද්ගලයා වන ශානි අබේසේකර මහතා මීට නොකැඳවීම තම පාර්ශ්වයට දැඩි ලෙස අගතිදායක වී ඇති බවයි.
එය තමන්ගේ පාර්ශ්වයෙන් සිදුවුණු බරපතළ අඩුපාඩුවක් බව නීතිපතිවරයා වෙනුවෙන් පෙනී සිටින නියෝජ්‍ය සොලිසිටර් ජනරාල් දිලීප පිරිස් මහතා අධිකරණය හමුවේ පවසා සිටයා.
ඒ අනුව ශානි අබේසේකර මහතාව මෙම නඩුවෙහි සාක්ෂි සඳහා කැඳවීමට නීතිපතිවරයා වෙනුවෙන් දිලීප පීරිස් මහතා ත්‍රිපුද්ගල මහාධිකරණ විනිසුරු මඬුල්ල පවසා තිබෙනවා.
