මේ වන විට ඇෆ්ගනිස්ථාන ජනතාව එරටින් පිටවයෑමට ජාත්‍යාන්තරයෙන් උපකාර කළ ගුවන් ගමන් බොහෝමයක් නතරකර දමා ඇති බැවින් ඇෆ්ගන් වැසියන් දැඩි අසීරුතාවයකට පත්ව ඇති බව විදෙස් මාධ්‍ය වාර්තා කරනවා.
ඇෆ්ගනිස්ථානයට ලබාදෙන ජාත්‍යාන්තර අරමුදල්ද මේ වන විට නවතා දමා ඇති තත්ත්වයක් තුළ ඇෆ්ගනිස්ථානය දැඩි මානුෂීය අර්බුදයකට ලක්ව ඇති බවත්, ඇෆ්ගන් වැසියන් දහස් ගණනක් යන එන මගක් නොමැතිව මංමුලා වී ඇති බවත් දේශපාලන විශ්ලේෂකයින් පෙන්වා දෙනවා.
මේ හේතුවෙන් ඇෆ්ගන් වැසියන් මිනිස් ජාවාරම්කරුවන්ගේ ග්‍රහණයට අසුව ඇති බවයි විදෙස් වාර්තා පෙන්වා දෙන්නේ
පකිස්තානය සහ ඉරානෙයේ දේශසීමා ආසන්නයේ පවතින නගරයක් වන සරන්ජ් නගරය මේ වන විට ප්‍රධාන මිනිස් ජාවාරම් මධ්‍යස්ථානයක් බවට පත්ව තිබෙනවා.
තලෙයිබාන් සටන්කාමීන් ඇෆ්ගනිස්ථානය අත්පත් කර ගැනීමෙන් පසු රට හැර යන ඇෆ්ගනිස්ථානුවන්ගේ සංඛ්‍යාව දෙගුණයකටත් වඩා වැඩි වී ඇති බවට එම නගරයේ ව්‍යාපාරිකයින් සදහන් කරනවා.
