ජූලි 14 වන දා ශ්‍රී ලංකාවෙන් මාලදිවයිනටත්, ඉන් පසුව සිංගප්පූරුවටත් ඉන් පසුව තායිලන්තයටත් පළා ගිය හිටපු ජනාධිපති ගෝඨාභය රාජපක්ෂ බැංකොක් නුවර මධ්‍යයේ පිහිටි හෝටලයක නවාතැන් ගෙන සිටින අතර ආරක්ෂක හේතු මත එම හෝටලයෙන් බැහැරව නොයන ලෙස එරට පොලිසිය ඔහුට උපදෙස් දී ඇතැයි බැංකොක් පෝස්ට් පුවත්පත වාර්තා කරනවා.
මූලාශ්‍රයක් උපුටා දක්වමින් එම පුවත්පත වාර්තා කරන්නේ රාජපක්ෂ තවත් පුද්ගලයින් තිදෙනෙකු තායිලන්තයේ ෆුකෙට් වෙත ගොඩ බැසීමට සැලසුම් කර තිබුණ ද ආරක්ෂක හේතූන් මත සමග සිංගප්පූරුවේ සිට විශේෂ ගුවන් යානයකින් 11 වැනිදා රාත්‍රී 8.00ට පමණ දොන් මුආන්ග් ජාත්‍යන්තර ගුවන්තොටුපළට වෙත පැමිණි බවයි.
බැංකොක් නුවරට පැමිණි පසු තායිලන්ත පොලිසිය සහ හමුදා නිලධාරීන් විසින් ඔහු කැටුව යන ලද බවත් මේ වන විට ඔහු රැඳී සිටින ස්ථානය හෙළි නොකළ හෝටලයේ ආරක්‍ෂාව සඳහා විශේෂ ශාඛා කාර්යාංශයේ සිවිල් ඇඳුමින් සැරසුණු පොලිස් නිලධාරීන් යොදවා ඇති බවත් බැංකොක් පොස්ට් වාර්තා කරනවා.
තායිලන්තයේ රැඳී සිටින කාල සීමාව තුළ එම හෝටලය තුළ ම රැඳී සිටින ලෙසයි බලධාරීන් මෙරට හිටපු ජනාධිපතිවරයාට උපදෙස් දී ඇත්තේ.
