සුරාසැල් විවෘත කිරීමට රජය ගෙන ඇති තීරණයත් සමග කොවිඩ් ව්‍යාප්තිය පාලනය සඳහා දැඩි අහිතකර බලපෑමක් සිදුවන බව ශ්‍රී ලංකා වෛද්‍ය සංගමයේ සභාපති විශේෂඥ වෛද්‍ය පද්මා එස්. ගුණරත්න මහත්මිය පවසනවා.
මත්පැන් මිලදී ගැනීම සඳහා සුරාසැල් ඉදිරියේ ජනතාව රැස්වෙන අයුරු දැකගත හැකි බවත් කොවිඩ් මර්දන ක්‍රියාවලියක් පවතින සමයක මෙය ධනාත්මක ක්‍රියාවක් ලෙස දැකිය නොහැකි බවත් ඇය පවසනවා.
මේ හරහා පාසල් විවෘත කිරීම තවත් කල් යා හැකි අතර සංචාරක සේවාව පටන්ගැනීමේ හැකියාව තවත් ප්‍රමාද විය හැකි බවයි විශේෂඥ වෛද්‍යවරිය පවසන්නේ.
මෙහිදී වැඩිදුරටත් අදහස් දැක්වූ විශේෂඥ වෛද්‍ය පද්මා එස්. ගුණරත්න මහත්මිය,
“අපි හිනතවා රජය මේ ගැන සැලකිලිමත්ව කල්පනාකරලා බලයි කියලා. මේකෙන් මේ රෝගය පාලනයකරලා යළි රට කොළ පාට දක්වා යන ගමනට බාධවක් ඇති වෙයි කියලා අපිට බයක් තියෙනයවා. ඒක නිසා මේ රෝගය පාලනය කිරීම සහ ආර්ථිකය නගා සිටුවීම මේක නිසා ඇතිවන බලපෑම සෘණාත්මක ආකාරයට බලපානවා. ඒ නිසා මේ තත්ත්වයට එකඟවෙන්නට අමාරුයි.“
වයින් ස්ටෝර්ස් සහ බීර කෑන් සහ බෝතල් ලෙස අලෙවි කරන ස්ථාන ඊයේ (17) සිට සාමාන්‍ය පරිදි විවෘත කර තැබීමට අවසර හිමි විය.
