බිත්තරයක මිල රුපියල් 5කින් අඩු කිරීමට තීරණය කළ බව සමස්ත ලංකා බිත්තර නිෂ්පාදකයින්ගේ සංගමය පවසනවා.
එම මිල අඩුකිරීම අගෝස්තු 22 වනදා සිට ක්‍රියාත්මක කිරීමට නියමිතයි.
අග්‍රාමාත්‍ය දිනේෂ් ගුණවර්ධන සමග පැවති සාකච්ඡාවකින් පසුව මාධ්‍ය වෙත අදහස් දක්වමිනුයි ඔවුන් මේබව ප්‍රකාශ කළේ.
සමස්ත ලංකා බිත්තර නිෂ්පාදකයින්ගේ සංගමය, පශු වෛද්‍යවරුන්ගේ සංගමය, කුකුල් මස් නිෂ්පාදකයින්ගේ සංගමය, ඇතුළු පාරිභෝගික ආහාර ද්‍රව්‍ය නිෂ්පාදකයින් තමන්ට ඇති වී තිබෙන ගැටලු සම්බන්ධව සාකච්ඡා කිරීමට අග්‍රාමාත්‍යවරයා හමු වුණා.
මෙම අවස්ථාවට වෙළඳ අමාත්‍ය නලින් ප්‍රනාන්දු, රාජ්‍ය අමාත්‍යය ටීබී හේරත්, පාරිභෝගික සේවා අධිකාරියේ සභාපති සිසිර ශාන්ත නිරිඇල්ල, මිල්කෝ ආයතනයේ සභාපති රේණුක පෙරේරා ඇතුළු පිරිසක් එක්ව සිටියා.
