මීගමුවට ඔබ්බෙන් වූ මුහුදේදී , නීති විරෝධී ලෙස ඕස්ට්‍රේලියාවට සංක්‍රමණය වීමට උත්සහ කළ බවට සැකකෙරෙන පුද්ගලයන් 47 දෙනෙකු රැගත් මෙරට බහුදින ධීවර යාත්‍රාවක් නාවික හමුදා භාරයට ගෙන තිබෙනවා.
ඊයේ (27) රාත්‍රීයේ නාවික හමුදා භාරයට ගත් පිරිස අතර, පුද්ගලයින් පස්දෙනෙක් ඇතුළු වැඩිහිටි පිරිමි පුද්ගලයන් 34 ක්, කාන්තාවන් 6ක් සහ ළමුන් ද 7ක් සිටින අතර එම පිරිස යාපනය, කිලිනොච්චිය, මන්නාරම, වෙන්නප්පුව, නාත්තන්ඩිය, හලාවත සහ මඩකලපුව යන ප්‍රදේශයන්හී පදිංචිකරුවන් බවට හඳුනා ගෙන තිබෙනවා.
අදාල පිරිස ඉදිරි නීතිමය කටයුතු සඳහා කොළඹ වරාය පොලීසිය වෙත භාරදීමට නියමිත බවයි පැවසෙන්නේ.
