ජාතික හා ආගමික සංහිඳියාවට හානි සිදු වන ආකාරයෙන්, ඉස්ලාම් දහමට අපහාසාත්මක වන ප්‍රකාශයක් කිරීමේ චෝදනාවක් සම්බන්ධයෙන් වරදකරුවී 4ක බරපතළ වැඩසහිත සිරදඬුවම් ලැබූ ගලබොඩ අත්තේ ඥානසාර හිමියන් මේ වන විට බන්ධනාගාර රෝහලේ නේවාසිකව ප්‍රතිිකාර ලබමින් සිටින බව රාවණා බලය සංවිධානයේ මහලේකම් පූජ්‍ය ඉත්තෑකන්දේ සද්ධාතිස්ස හිමියන් පවසනවා.
උන්වහන්සේ මෙම අදහස් පලකළේ අද (29) දිනයේ ඥාණසාර හිමියන් බැලීම සඳහා පැවිදි හඩ සංවිධානයේ සාමාජිකයන් සමඟ වැලිකඩ බන්ධනාගාරයට පැමිණි අවස්ථාවේදී මාධ්‍ය වෙත අදහස් දක්වමින්.
මෙහිදී අදහස් දැක්වූ සද්ධාතිස්ස හිමියන් පවසන්නේ ඥාණසාර හිමියන් බන්ධනාගාරගත වන විටත් කිසියම් අසනීප තත්ත්වයකට ඖෂධ ගනිමින් සිටිය බවයි.
රෝහල්ගතව ප්‍රතිකාර ලබන බැවින් තවමත් ඥාණසාර හිමියන් සිවුර හැඳගෙන සිටින බවත් ජම්පරයක් හැදීම සිදු නොකරන බවත් වැඩිදුරටත් අදහස් දක්වමින් සද්ධාතිස්ස හිමියන් පවසනවා.
ඊට අදාල දර්ශන පහතින්,
