ඉරාන ජනාධිපතිවරයාගේ හදිසි වියෝව සම්බන්ධයෙන් හමාස් සංවිධානය ශෝකය පළ කර තිබෙනවා.
එම සංවිධානයේ නිල වෙබ් අඩවියේ දැක්වෙන්නේ ජනාධිපතිවරයාගේ වියෝව සම්බන්ධයෙන් සහෝදර ඉරාන ජනතාව සමඟ දුක සහ වේදනාවේ හැඟීම් බෙදාගන්නා බවයි.
ඉරානය සමඟ සම්පූර්ණ සහයෝගීතාවයෙන් කටයුතු කරන බවද එම ප්රකාශයේ සඳහන් කර තිබෙනවා.
එමෙන්ම හෙලිකොප්ටර් අනතුරෙන් මිය ගිය අය ඉරාන පුනරුදයේ දිගු ගමනක් ගිය හොඳම නායකයින් පිරිසක් බවටද හමාස් සංවිධානය ප්රකාශ කරනවා.
පලස්තීන ගැටලුවේදි ඉරාන ජනාධිපතිවරයා සහ නායකයින් දැක්වූ සහයෝගීතාව වෙනුවෙන් ද හමාස් සංවිධානය සිය ප්රණාමය පුද කර තිබෙනවා.
වසර 1979 ඉස්ලාමීය විප්ලවයේ සිට ඊශ්රායලයේ පස මිතුරෙකු ලෙස කටයුතු කළ ඉරානය, හමාස් ඇතුළු මැදපෙරදිග විවිධ සංවිධාන ගොඩනැගීම සඳහා අරමුදල්, ආයුධ සහ පුහුණුව වසර ගණනාවක් තිස්සේ ලබාදුන් බව විදෙස් මාධ්ය වාර්තා කරනවා.