පසුගිය මැයි මස 21 වනදා රාත්රී 11.00 සිට පැනවූ සංචරණ සීමාවන් අඛණ්ඩව මාසයක් පුරා ක්රියාත්මක වු අතර එම සංචරණ සීමා පසුගිය 21 වනදා අලුයම 04.00ට ඉවත් කෙරිණි.
එලෙස ලිහිල් කළ මෙරට සංචරණ සීමා අද (23) රාත්රී 10.00 සිට යළි දිවයින පුරා ක්රියාත්මක වන අතර එය මේ මස 25වනදා අලුයම 4.00 දක්වා ක්රියාත්මක බව යුද හමුදාපති ජෙනරාල් ශවේන්ද්ර සිල්වා මහතා පවසයි.
යළිත් මේ මස 25වනදා අලුයම 04.00ට එම සංචරණ සීමා ඉවත් වනු ඇත.
එහෙත් පළාත් අතර සංචරණ සීමා අඛණ්ඩව ක්රියාත්මක වන බවයි යුද හමුදාපතිවරයා පවසන්නේ. කෙසේ වෙතත්, සති අන්තයේ සංචරණ සීමා යළි පනවන්නේ ද යන්න පිළිබදව මෙතෙක් තීරණයක් ගෙන නොමැති අතර ඉදිරි දින කිහිපයේ පවතින තත්ත්වය සැලකිල්ලට ගෙන ඒ පිළිබද අවසන් තීන්දුවක් ගන්නා බවයි යුද හමුදාපතිවරයා කියා සිටියේ.
මේ අතර, කොළඹ ඊයේ පැවති මාධ්ය හමුවකදී නියෝජ්ය සෞඛ්ය සේවා අධ්යක්ෂ ජනරාල් විශේෂඥ වෛද්ය හේමන්ත හේරත් කියා සිටියේ සංචරණ සීමා ඉවත් කළද අවදානම එසේම පවතින බවයි.