ඇති වූ එකඟතාව කඩකරමින් විදුලිය කප්පාදු කිරීම හේතුවෙන් ලංකා විදුලිබල මණ්ඩලයේ සභාපතිවරයා ශා විදුලිබල අමාත්යාංශයේ ලේකම්වරයා ඇතුළු නිලධාරීන්ට එරෙහිව ශ්රේෂ්ඨාධිකරණයට කරුණු වාර්තා කිරීමට මානව හිමිකම් කොමිසම තීරණය කර තිබෙනවා.
ලබාදුන් එකඟතාව කඩ කරමින් ඊයේ (26) දිනයේ දිවයිනේ ප්රදේශ ගණනාවක විදුලි කප්පාදු කරමින් ඇති බවට පැමිණිලි ඉදිරිපත් වූ බවයි එම කොමිසමේ ප්රකාශකයෙක් කියා සිටියේ.
විදුලිබල මණ්ඩලය සහ විදුලිබල හා බලශක්ති අමාත්යාංශය රටේ නීතියට ගරු කරමින් අත්නෝමතික කටයුතු කරන බවක් නිරීක්ෂණය වී ඇති බව එම කොමිසම පෙන්වා දෙනවා.
ඔවුන් සඳහන් කරන්නේ ඒ සම්බන්ධයෙන් එක්සත් ජාතීන්ගේ මානව හිමිකම් කවුන්සිලයට ද පැමිණිලි කිරීමට සිදුවන බවයි.
කෙසේ වෙතත් පසුගියදා උසස් පෙළ විභාගය පැවැත්වෙන කාලසීමාවේ විදුලිය කප්පාදුවක් සිදු නොකිරීමට විදුලිබල මණ්ඩලය මානව හිමිකම් කොමිසමේ දී එකඟතාව පළකලා.
මේ අතර ඊයේ (26) සිට ලබන පෙබරවාරි 17 වැනිදා දක්වා අපොස උසස් පෙළ විභාගය පැවැත්වෙන කාලය තුළදී කිසිඳු විදුලිය විසන්ධි කිරීමේ ඉල්ලීමකට මහජන උපයෝගීතා කොමිසම අනුමැතිය නොදෙන බව මහජන උපයෝගිතා කොමිසමේ සභාපති ජනක රත්නායක මහතා මානව හිමිකම් කොමිසමට ලිඛිතව දැනුම් දී තිබෙනවා.
ඒ පසුගිය (25) වනදා ශ්රී ලංකා මානව හිමිකම් කොමිෂන් සභාව නිකුත් කළ ඇති විධානයට අනුවයි.
පසුගිය (25) දින සිට උසස් පෙළ විභාගය අවසන් වන තෙක් අඛණ්ඩව විදුලිය සැපයිය යුතු යැයි ද විදුලිබල මණ්ඩලයට නියෝගයක් නිකුත් කර ඇති බවද එම ලිපියේ පෙන්වා දී තිබෙනවා.
අදාළ ලිපියේ වැඩිදුරටත් සඳහන් කර ඇත්තේ ලංකා විදුලිබල මණ්ඩලය එම නියෝගය ක්රියාත්මක කිරීමට අපොහොසත් වුවහොත් ලංකා විදුලිබල මණ්ඩල පනත යටතේ නීතිමය ක්රියාමාර්ග ගන්නා බවයි.