තමන්ට ලැබී ඇති වසර 06ක ධුර කාලය සම්පූර්ණයෙන් ගත කරන බව මහබැංකු අධිපති, ආචාර්ය නන්දලාල් වීරසිංහ පවසනවා.
ඒ BBC පුවත් සේවය සමඟ සිදුකළ සාකච්ඡාවකදීයි.
ශ්‍රී ලංකාව මීට පෙර IMF සහය ලබාගත්තේ නම්, ව‍ර්තමානයේ මෙරට මුහුණදෙන ආඑථික අර්බුදයට මුහුණ දීමට සිදු නොවනු ඇති බවත් එහිදී ඔහු පවසා සිටියා.
බාහිර පාර්ශවයන්ගේ සහය පැතීම විශාල අත්වැර්දීමක් බවයි ඔහු පෙන්වා දෙන්නේ.
එක්සත් ජාතීන්ගේ ආහාර වැඩසටහන පසුගියදා පෙන්වා දුන්නේ මෙරට ජනගහනයෙන් 2/3ක් සිය ආහාර පරිභෝජනය පහත දමා ඇති බවයි.
තමා මහබැංකු තනතුර භාරගන්නා විට තමාගේ ධූර කාලය මාස දෙකකින් අවසන් වෙතැයි නොසිතූ බවත් එවැන්නක් දැන සිටියා නම් තමා නොපැමිණෙන බවත් තමා සම්පූර්ණ වසර 06ක කාලයකට ධූරය දැරීමට බලාපොරොත්තු වන බවත් එහිදී ඔහු පවසා සිටියා.
වත්මන් අර්බුදය මාස 02කින් විසඳිය නොහැක්කක් බව අවබෝධ කරගත යුතු බවයි ඔහු අවධාරණය කරන්නේ.
