ඉන්දියාව හා නවසීලන්තය අතර මෙවර ලෝක කුසලාන එක්දින ක්‍රිකට් තරගාවලිය යටතේ අද (15) පැවැත්වීමට නියමිත පළමු අවසන් පූර්ව තරගය සදහා යොදාගැනීමට නියමිත තණතීරුවෙහි වෙනසක් ඉන්දීය ක්‍රිකට් පාලක මණ්ඩලයේ මැදිහත් වීමෙන් සිදුව ඇති බවට චෝදනා එල්ල වී තිබෙනවා.
බ්‍රිතාන්‍යයේ dailymail මාධ්‍ය ආයතනය අනාවරණය කර ඇත්තේ, ඉන්දීය දග පන්දු යවන්නන්ට වාසි සහගත වන පරිදි මෙම පියවර ගෙන තිබෙන්නේ ජගත් ක්‍රිකට් කවුන්සලයේ අනුමැතියකින් තොරව බවයි.
අයි.සී.සී තරගාවලියන් හීදී තණතීරු සකස් කරන්නේ, ජගත් ක්‍රිකට් කවුන්සලයේ තණතීරු උපදේශක ඇන්ඩි ඇට්කින්සන්ගේ අධීක්ෂණය යටතේයි.
අද තරගය සදහා පළමුව යොදාගැනීමට තීරණය කර තිබුණේ මුම්බායිහි වන්කඩේ ක්‍රීඩාංගනයේ අංක 6 තණතීරුව තුළ බව සදහන් කළත්, එම තණතීරුව මෙම තරගාවලියේදී මෙතෙක් කිසිදු තරගයක් සදහා යොදා ගෙන නොමැති බව වර්තා වනවා.
කෙසේ වෙතත්, මේ වනවිට එම තීරණය වෙනස් කර පළමු අවසන් පූර්ව තරගය මෙවර ලෝක කුසලානයේදී තරග දෙකක් සදහා යොදා ගෙන ඇති තණතීරු අංක 7 තුළ ක්‍රීඩා කිරීමට පියවර ගෙන තිබෙනවා.
එංගලන්තය හා දකුණු අප්‍රිකාව අතර තරගයත්, ශ්‍රී ලංකාව හා ඉන්දියාව අතර තරගයත් පවත්වා තිබුණේ එම තණතීරුව තුළයි.
