චීනයේ කොවිඩ් රෝගීන් අඛණ්ඩව ඉහළ යන බැවින්, එරට රජය විසින් ඉදිරි දිනවලදී රට පුරා ප්රජා සෞඛ්ය මධ්යස්ථාන වෙත ෆයිසර් කොවිඩ් පැක්ස්ලොවිඩ් (Paxlovid) නම් ඖෂධය බෙදා හැරීම ඉක්මනින් ආරම්භ කරන බව CNN පුවත් සේවය වාර්තා කරයි.
බීජිං හි ෂිචෙන්ග් දිස්ත්රික්කයේ ප්රාදේශීය ප්රජා සෞඛ්ය මධ්යස්ථානයක සේවකයෙකු උපුටා දක්වමින් CNN පවසා ඇත්තේ, ඔවුන්ට මෙම නව ඖෂධ සම්බන්ධයෙන් නිලධාරීන්ගෙන් දැන්වීමක් ලැබී ඇති නමුත් ඖෂධ පැමිණෙන්නේ කවදාද යන්න පැහැදිලි නැති බවයි.
රටපුරා භාවිතය සඳහා චීනයේ ඖෂධ නියාමන අධිකාරිය විසින් අනුමත කරන ලද එකම විදේශීය කොවිඩ් ඖෂධය ලෙස පැක්ස්ලොවිඩ් පවතින නමුත් ඖෂධ ලබාගැනීමේ ක්රියාවලිය අභියෝගාත්මක වී තිබේ.
මේ අතර, චීනයේ පවතින කෝවිඩ් වසංගතය වැඩිවීම මධ්යයේ ඉන්දියානු ‘ජෙනරික් ඖෂධ’ සඳහා ඇති ඉල්ලුම ඉහළ ගොස් ඇති බව වාර්තා වේ.
ඖෂධ සඳහා ඇති විශාල ඉල්ලුමත් සමඟ, ඉන්දියානු ඖෂධවල ඇතැම් ව්යාජ නිෂ්පාදන ද වෙළඳපොළට පැමිණ තිබෙන බව වාර්තා වැඩිදුරටත් සඳහන් කරයි.