ඉන්දියාවේ නිෂ්පාදිත තේජාස් ප්‍රහාරක ගුවන් යානාවල ප්‍රහාරක හැකියාවන් ඉහළ නැංවීම සඳහා ඉන්දියානු ගුවන් හමුදාව විසින් එම යානා ඇමරිකානු ඒකාබද්ධ සෘජු ප්‍රහාරක බෝම්බ (JDAM) කට්ටලවලින් සන්නද්ධ කරමින් සිටින බව වාර්තාවේ.
නිශ්චිත නිරවද්‍යතාවයකින් යුතුව සතුරු ස්ථාන ඉලක්ක කර ගැනීමට ඉන් හැකියාව ලැබෙන බව ඉන්දීය ගුවන් හමුදාව පවසයි.
කිලෝමීටර් 80 කට වැඩිදුරකින් යුතු ඉලක්ක වෙත පවා නිවැරදි ලෙස ප්‍රහාර එල්ල කිරීම සඳහා උපකාර වන JDAM කට්ටල ලබාගැනීම සඳහා ඉන්දීය ගුවන් හමුදාව මෑතකදී ඇමරිකාව සමග ගිවිසුමක් ද අත්සන් කර ඇති බව එරට රජයේ ආරංචි මාර්ග සදහන් කරයි.
මෙම JDAM කට්ටලවලින් සමන්විත පළමු ගුවන් ඇණිය වනු ඇත්තේ සැහැල්ලු ප්‍රහාරක ගුවන් යානා වන තේජාස් වන බවත් ඒවා අනාගතයේදී ඉන්දීය ගුවන් හමුදාවේ ප්‍රධානතම අංගයක් වනු ඇති බවත් එරට ආරක්ෂක ආරංචි මාර්ග පවසයි.
වැඩි ප්‍රහාරක හා තාක්ෂණික හැකියාවන් එක් කරමින් දේශීයව තේජාස් ප්‍රහාරක ගුවන් යානා නිෂ්පාදනය කිරීමේ වැඩසටහනට ඉන්දීය රජය විශේෂ සැළකිල්ලක් දක්වයි.
