මෙරට මාසික පාරිභෝගික උද්ධමනය 2024 පෙබරවාරි මාසයට සාපේක්ෂව 2024 මාර්තු මාසයේ පහළ ගොස් ඇති බව ජන ලේඛන හා සංඛ්‍යා ලේඛන දෙපාර්තමේන්තුව නිවේදනය කරනවා.
ජන ලේඛන හා සංඛ්‍යා ලේඛන දෙපාර්තමේන්තුව 2024 මාර්තු මාසය සඳහා වන ශ්‍රී ලංකාවේ ජාතික පාරිභෝගික මිල දර්ශකය සහ මාසික පාරිභෝගික උද්ධමනය අද (මාර්තු 28) ප්‍රකාශයට පත් කර තිබෙනවා.
ඒ අනුව, කොළඹ නාගරික ප්‍රජාවගේ පාරිභෝගික උද්ධමන අනුපාතය 2024 මාර්තු මාසය සඳහා 0.9%ක් දක්වා අඩු වී ඇති අතර එය 2024 පෙබරවාරි මාසය සඳහා 5.9%ක් ලෙස වාර්තා වී තිබුණා.
2024 මාර්තු මාසයේ ද ආහාර කාණ්ඩයේ වාර්ෂික උද්ධමනය (ලක්‍ෂ්‍යමය) 3.8% දක්වා වැඩි වී ඇති අතර 2024 පෙබරවාරි මාසයේදී එය වාර්තා වූයේ 3.5 %ක් ලෙසයි.
එමෙන්ම, 2024 මාර්තු මාසය සඳහා ආහාර නොවන කාණ්ඩයේ වාර්ෂික උද්ධමනය (ලක්‍ෂ්‍යමය) -0.5%ක් දක්වා අඩු වී ඇති අතර එය 2024 පෙබරවාරි මාසයේදී 7.0 %ක් ලෙස වාර්තා වී තිබෙනවා.
