විසාකේස චන්ද්රසේකරම් විසින් රචනා කොට, අධ්යක්ෂණය කර නිෂ්පාදනය කරන ලද Munnel චිත්රපටය නෙදර්ලන්තයේ රොටර්ඩෑම් ජාත්යන්තර චිත්රපට උළෙලේ (IFFR) ජූරි සම්මානය දිනාගෙන තිබෙනවා.
52 වන රොටර්ඩෑම් ජාත්යන්තර චිත්රපට උළෙල රොටර්ඩෑම් හි ස්ථාන කිහිපයක චිත්රපට දර්ශන සිය ගණනක් ඉදිරිපත් කර තිබුණා.
Munnel හි මංගල දර්ශනය ජනවාරි 28 වන දින Pathe IMAX සිනමාහලේදී පැවති අතර එහි දෙවන ප්රදර්ශනය ජනවාරි 29 වන දින පැවැත්වුණා.
මෙහි විශේෂත්වය නම් අදාළ දර්ශන දෙකෙහිම ප්රවේශපත් කල්තියා විකුණා අවසන් වීමයි.
දේශපාලන සිරකරුවන් දෙදෙනෙකු වටා දිවෙන මෙම චිත්රපටය සම්බන්ධයෙන් අදහස් දක්වමින් එහි අධ්යක්ෂ විසාකේස ප්රේක්ෂකයන් මෙසේ පවසා තිබුණා.
“මෙම චිත්රපටය නැරඹීමට පැමිණීමෙන් ඔබ හුදෙක් විනෝදාස්වාදය ලබන්නේ නැත. ඒ වෙනුවට ඔබ ලෝක ප්රජාතන්ත්රවාදයට සහභාගී වන්නේ, ඔබ අපේ කතාව තවත් බොහෝ අය සමඟ බෙදාගෙන අපේ ජනතාවට යුක්තිය සහ ප්රජාතන්ත්රවාදය ඉල්ලා සිටින නිසාය.”
ජගත් මනුවරන්ගේ සිංහල භාෂා වෘතාන්ත චිත්රපටය වන “රහස් කියන කඳු” ද උළෙලේ මංගල දර්ශනයට ඉදිරිපත් කළ අතර, එම චිත්රපටය NETPAC සම්මානය දිනා ගත්තා.