ඇෆ්ගනිස්තානය තුළ සිදුවන විදේශ මැදිහත්වීම් සම්බන්ධයෙන් තමන් විශේෂ අවධානයක් යොමු කර ඇතැයි ඉරානය ප්රකාශ කරයි.
ඉරාන විදේශ අමාත්යාංශය ප්රකාශක සහීඩ් කහාදිබෙසාද් පවසන්නේ පන්ජ්ෂීර් ආශ්රිත සිදුකළ මෙහෙයුම්වලදී සිදුවූ දේ පිළිබදව තමන්ගේ අවධානය යොමුව ඇති බවයි.
තලේබාන් සංවිධානය පන්ජ්ෂීර් අත්පත් කර ගැනීමේ මෙහෙයුම්වලදී පකිස්තානය ගුවන් සහය ලබාදුන් බවට වාර්තා පළවෙමින් තිබේ.
උතුරු පෙරමුණු මාධ්ය ප්රකාශකව සිටි ෆාහිම් දාස්ති ඇතුළු පිරිසක් මියගියේද මෙම ප්රහාර හේතුවෙන් බව පැවසේ.
ඉරානය පවසන්නේ විදෙස් සහය ලබාගෙන ඇෆ්ගනිස්තාන වැසියන්ට ප්රහාර එල්ල කිරීම තමන් කිසිසේත් අනුමත නොකරන බවයි.
ඇෆ්ගනිස්තානයේ සිදුවන මෙබදු ක්රියාකාරකම් සම්බන්ධයෙන් තම රට දැඩි අවධානයක් යොමු කර ඇති බව ද ඉරාන විදේශ අමාත්යාංශය ප්රකාශකවරයා වැඩිදුරටත් සදහන් කර තිබේ.