තමන් ඇතුළු පිරිස අත් අඩංගුවට ගත් විට ඇතැමුන් හැසිරුණේ පාස්කු ප්‍රහාරකයින්ව අල්ලා ගත් අයුරින් බව පියුමි හංසමාලි පවසනවා.
සජීවීව සිය ෆේස්බුක් ගිණුම හරහා අමතමින් ඇය පවසා සිටියේ සරත් වීරසේකර අමාත්‍යවරයා සහ තමන්ව සම්බන්ධ කර විවිධ ප්‍රචාර ගොඩ නගමින් ඇති නමුත් තමා එම අමාත්‍යවරයාට එදින කතා කළේ පළමුවරට වන බවත් අමාත්‍යවරයාගේ දුරකථන අංකය ලබා දුන්නේ තමාගේ නීතීඥවරයා බවත් ය.
මෙහිදී අමාත්‍යවරයා විසින් කටයුතු කරනු ලැබුවේ ඇඳුම් නොමැති පිරිසට ඇඳුම් ලබාදීමට පමණක් බවයි ඇය පවසන්නේ.
වගකීම් විරහිතව නිරෝධායන නීති කඩ කරමින් හැසිරී ඇති මාධ්‍ය ආයතන විසින් තමන්ට විරුද්ධව ද්වේශ සහගතව අපහාස කරන බවත් එම ආයතන වල නිවේදකයන් මුදල් නිසා මෙසේ කරන බවත් ඇය පවසනවා.
අවශ්‍ය නම් තමන්ගේ දුරකථනය වුවද පරීක්ෂා කිරීමට ලබා දීමට සූදානම් බවයි පියුමි හංසමාලි පවසන්නේ.
