තලේබාන්වරුන් ඉස්ලාම් දහම අර්ථකථනය කරන ආකාරය විසින් ලොව පුරා දේශපාලනික අභියෝග නිර්මාණය වීම සම්බන්ධයෙන් අනෙකුත් ඉස්ලාමීය රටවල් කනස්සල්ලට පත්ව සිටින බව වාර්තාවේ.
ඩුබායි පදනම් කරගත් මාධ්ය ජාලයක් වන අල් අරාබියා පෝස්ට් පවසන පරිදි, තලේබාන් සංවිධානය ඉස්ලාම් ආගම පිළිබඳ ඔවුන්ගේම අර්ථකථනය මත පදනම්ව ෂරියා නීති බලාත්මක කරමින් සිටී.
ඇෆ්ගන් තලේබාන්වරුන්ගේ සංකල්පයෙන් සහ සැබෑ ඉස්ලාමීය නීති ක්රියාත්මක කිරීමෙන් ඈත් වූ මුස්ලිම් රටවල් අතර පාකිස්ථානය ද සිටින බව වාර්තා වැඩිදුරටත් පෙන්වාදෙයි.
පාකිස්ථානයේ දැඩි මතධාරී සුන්නි කණ්ඩායමක් වන තලේබාන් සංවිධානයේ දෘෂ්ටිවාදී බලපෑම අද ටෙහ්රීක්-ඊ-තලිබාන් පාකිස්තාන් (ටීටීපී) නැමති ත්රස්ත සංවිධානයේ ස්වරූපයෙන් දක්නට ලැබෙන බව එම වාර්තා සඳහන් කරයි.
ඉස්ලාමීය සහයෝගිතා සංවිධානය (OIC) පවා ඇෆ්ගන් කාන්තාවන්ට එරෙහිව තලේබාන් සංවිධානයේ ක්රියාවන් සැලකිල්ලට ගෙන ඇති අතර, සිය මාර්ගය නිවැරදි කරන ලෙස තලේබාන්වරුන්ට මතක් කර දී තිබේ.
2022 දෙසැම්බරයේ OIC සාමාජික රටවල් 57 විසින්, ඇෆ්ගනිස්ථානය පිළිබඳ විශේෂ රැස්වීමක් පැවැත්වූ අතර, එහිදී එක්සත් ජාතීන්ගේ ප්රඥප්තියේ දක්වා ඇති මූලධර්ම සහ අරමුණු පිළිපදින ලෙස තලේබාන් සංවිධානයෙන් ඉල්ලා සිටියේය.