29 C
Colombo
Tuesday, October 4, 2022

බුද්ධි අංශ පැමිණ නිවසේදී සහරාන් හමු වූ බවක් හෙළිවී නෑ – ඇමති සරත්

- Advertisement -

බුද්ධි අංශ පැමිණ නිවසේදී සහරාන් හමු වූ බව සහරාන්ගේ බිරිඳ වන අබ්දුල් කාදර් ෆාතිමා හාදියා නමැත්තිය පවසා නැතැයි, සරත් වීරසේකර අමාත්‍යවරය ඊයේ (11) දින පාර්ලිමේන්තුවේදී පවසන ලදි.

හාදියා නමැත්තිය මේ සිද්ධිය සම්බන්ධයෙන් ප්‍රකාශ 5 ක් ලබා දී ඇති නමුත් ඒවායේ කිසිදු තැනක බුද්ධි අංශ පැමිණ නිවසේදී සහරාන් හමු වූ බව හාදියා පවසා නොමැති බවයි මහජන ආරක්ෂක අමාත්‍යවරයා පවසා සිටියේ.

අමාත්‍යවරයා මේ බව ප්‍රකාශ කර සිටියේ පාස්කු ඉරිදා ත්‍රස්ත ප්‍රහාරය පිළිබඳව පෙරේදා හරීන් ප්‍රනාන්දු සහ මනූෂ නානායක්කාර මන්ත්‍රීවරුන් නැගූ ප්‍රශ්වලට පිළිතුරු දෙමින්.

මෙහිදී වැඩිදුරටත් අදහස් දැක්වූ අමාත්‍යවරයා.

”හාදියා 2019 මැයි මාසේ 14 වැනිදා සී.අයි.ඩී එකට කට උත්තරයක් දෙනවා. ඒකෙත් කිසිම තැනක සඳහන් වෙලා නැහැ. බුද්ධි අංශ ඇවිත් සහරාන්ව හමු වුණා කියලා. හරීන් ප්‍රනාන්දුට අවශ්‍ය නම් සී.අයි.ඩී එකට ඇවිල්ලා ඒ ලේඛනය බලලා සැක හැර ගන්න පුළුවන්. බය වෙන්න එපා ඔබතුමාව අත්අඩංගුවට ගන්නේ නැහැ. ඉතිං මම ඔබතුමාට මේ ලේඛනය බලන්න හෙට සී.අයි.ඩී එකට ඉන්න කිව්වාම අද රෑට ගිහින් ආසිරි එකට හරි ලංකා හොස්පිට්ල් එකට හරි ඇඩ්මිට් වෙන්න එපා.

මැයි මාසේ 20 වැනි දින ඔවුන් හාදියා සම්බන්ධයෙන් අපරාධ පරීක්ෂණ දෙපාර්තමේන්තුව මගින් සිදු කරන ලද විමර්ශන සහ ජනාධිපති කොමිසම මගින් සිදු කළ හාදියා ලබා දී ඇති සාක්ෂි අඩංගු වෙලුම් දෙක.සී.පිටු අංක 32 පිටු අංක 2001 දාහත සිට 2469 දක්වා පිටු 362ක් විමර්ශනය කරමින් ස්වාධීනව සහ රඳවාගෙන ලබා ගත් සාක්ෂි අනුව කිසිම අවස්ථාවක හාදියා විසින් සහරාන් සහ බුද්ධි අංශවල කිසිදු සම්බන්ධයක් තිබු බව සඳහන් වී නැති බව සනාථ කරලා තියෙනවා. පාස්කු ප්‍රහාරයට පෙර දෙවතාවක් සී.අයි.ඩී එක 2018 දී සහ 2019දී හාදියාගෙන් ප්‍රශ්න කර තිබෙනවා.

හාදියා කියනවා සාරා සහ ෆෙරෝසා කියන කාන්තාවන් දෙදෙනා තමන්ගේ ගෙදර ඉන්නවා කියලා.සාරා කියන්නේ කටුවාපිටියේ බෝම්බය පුපුරවපු ස්තුන්ගේ බිරිඳ ෆෙරෝසා කියන්නේ මඩකලපුවේ සියොන් පල්ලියේ පුපුරවපු බෝම්කරුගේ බිරිඳ. ශානි අබේසේකරගේ සී.අයි.ඩී එක කටඋත්තර ලියාගෙන පමණක් ඇවිත් තියනවා. ඒ පරීක්ෂණ හරියට කළා නම් මේ පාස්කු ප්‍රහාරය අපි වළක්වා ගන්න තිබුණා. අප්‍රේල් පස්වෙනිදා අලුයම 12 . 35ට අංක එල්.ඊ 6012 දරන විසිතුරු මසුන් රැගත් ලොරියක් තමයි ගැලනිගම අධිවේගී මාර්ග සංචාරක කොට්ඨාසයේ පොලිස් නිලධාරීන්ගේ පරීක්ෂණයට ලක් කර තිබෙන්නේ. ඒ ලොරියේ සැක කටයුතු කිසිවක් නැති බවත්, තිබී ඇත්තේ චීනයේ සිට මෙරටට ගෙන් වූ විසිතුරු මසුන් බවත් පෙනී ගොස් තිබෙනවා.

ඔවුන් ගෙනියන්නේ කටුනායක ප්‍රදේශයේ සිට හොරණ ප්‍රදේශයටයි. ලොරිය නැවත්තුවාම ඒකේ රියදුරා වන රොමේෂ් ඉන්දික පීරිස් නමැත්තා කියනවා. වැඩිවෙලා නවත්වාගෙන සිටියොත් ඔක්සිජන් අවසන්වීම නිසා ඉතා මිල අධික මේ මසුන් මිය යාමට ඉඩ ඇති බව. මෙය දැන්වූ පසු තමයි මේ පරීක්ෂණ අවසානයේ ගැටලුවක් නොමැති නම් අදාළ ලොරි රථය ප්‍රමාදයකින් තොරව මුදා හරින ලෙස උසස් පොලිස් නිලධාරියා උපදෙස් දී තියෙන්නේ. 2019 අප්‍රේල් විසි එක්වන දින මාලු මාලු හෝටලයේ කිසිම උසස් පොලිස් නිලධාරියෙක් නවාගැන් ගෙන නැති අතර එසේ සිටියා යැයි සනාථ කළ හැකි බිල්පත් හෝ තොරතුරු ඇත්නම් ඒවා ඉදිරිපත් කරන ලෙස මා ඔහුට දන්වා සිටිනවා. ඒ වගේම ක්‍රිකට් ආයතනයෙත් ආරක්ෂාව භාරව ශ්‍රී ලංකා පොලිසියේ නිලතල දරන කිසිවෙකුත් නැති බවත් මං අවස්ථාවල කියා සිටිනවා.

IS දැඩි මතදාරී මවුෆර් මවුලවි 2016 පුනි 24 කටාර් සිට ලංකාවට පැමිණ සහරාන්ව අභිප්‍රේරණය කරනවා.ජාතික තවුහිද් ජමාත් කියන සංවිධානයේ සහරාන්ට මවුෆර් මවුලවි තම බිරිඳගේ සහෝදරියගේ දියණිය වන හාදියා විවාහ කර දෙනවා. බුද්ධි අංශ විසින් මේ සහරාන්ගේ ජාලයට සම්බන්ධ පුද්ගලයින් පිළිබඳව බලධාරීන් වෙත දන්වා තිබුණත් යහ පාලන රජය කිසි දෙයක් කළේ නැහැ. තමුන්නාසේලා බලයට පැමිණි හැම වතාවේම බුද්ධි අංශ අකර්මන්‍ය කළා. හැල්ලු කළා. චිත්‍ය ධෛර්ය අකර්මන්‍ය කළා. මිලේනියම් සිටි පාවාදීම අමතක කරන්න එපා. කොන්දක් තියනව නම් එළියට ඇවිත් කියන්න තමුන්නාසේලා පාර්ලිමේන්තුවේ කිවුව සාවද්‍ය කරුණු ඇත්ත කියලා පිළි අරන් කතෝලික පූජකතුමන්ලාත් එළියේ දේශනා කරලා අද අමාරුවේ වැටිලා ඉන්නවා. අපි ඒ ගැන ශෝක වෙනවා”

RECENT ARTICLES - SINHALA

කෝප් කමිටුවෙන් හර්ෂ ඉල්ලා අස්වෙයි

තමන් කෝප් කමිටුවෙන් ඉල්ලා අස්වන බවට සමගි ජනබලවේගය පක්ෂයේ පාර්ලිමේන්තු මන්ත්‍රී හර්ෂ ද සිල්වා මහතා පවසනවා. ට්විටර් පණිවුඩයක් නිකුත්...

Breaking: සුදේව හෙට්ටිආරච්චි ස්වර්ණවාහිනියෙන් ඉල්ලා අස්වෙයි

0
ස්වර්ණවාහිනී නාලිකාවේ විධායක අධ්‍යක්ෂ්‍යවරයා ලෙස කටයුතු කළ සුදේව හෙට්ටිආරච්චි මහතා එම තනතුරින් ඉල්ලා අස්වී තිබෙනවා. ඒ අනුව සිය ඉල්ලා...

අත්‍යාවශ්‍ය සේවා නම් කරමින් රනිල්ගෙන් තවත් ගැසට්ටුවක්

සාමාන්‍ය ජන ජීවිතය පවත්වාගෙන යාම සඳහා අත්‍යවශ්‍ය වන බවට හඳුනාගත් සේවාවන් කිහිපයක් හඳුනාගනිමින් ඒවා සඳහා අතිවිශේෂ ගැසට්ටුවක් නිකුත් වී තිබෙනවා.

RECENT ARTICLES - ENGLISH

Tom Moody and Sri Lanka Cricket to part ways

0
Former Sri Lankan Head Coach Tom Moody, who joined Sri Lanka Cricket once again last year as the director of cricket for...

Temples to switch off lights on Poya Day to protest tariff hike?

0
A proposal has been presented to the Central Province Maha Sangha Sabha to turn off the lights within all temples across the...

Horrific details about captivity of 7 Sri Lankans by Russian soldiers revealed

0
A Ukrainian journalist and the Kharkiv region’s police have disclosed appalling details about the torture the seven Sri Lankans endured while they...