චීනය සමග ඇති කරගෙන ඇති සමීප සබදතාවලින් දුරස්වීමට ඉතාලිය තීරණය කර තිබේ.
ඉතාලි අගමැති මාරියෝ ඩ්‍රාති සදහන් කර ඇත්තේ තම රට යුරෝපා සංගමයේ සහ අත්ලන්තික් කලාපයේ රටවල් සමග සමීපව කටයුතු කිරීමට තීරණය කර ඇති බවයි.
2019 වර්ෂයේදී එවකට ඉතාලි අගමැතිවරයා වූ ගිසුප්පේ කොන්තේ චීනයේ එක් තීරයක් එක් මාවතක් වැඩසටහන සමග කටයුතු කිරීමට වන අවබෝධතා ගිවිසුමකට අත්සන් කළේය.
එහෙත්, ඉතාලියේ මෙම පිළිවෙත එරට ජනතාවගේ පමණක් නොව යුරෝපය තුළද දැඩි අවධානයට සහ විවේචනයට ලක්වූ අතර අවබෝධතා ගිවිසුම ක්‍රියාත්මකවීමේදී ද ගැටලු රැසක් පැන නැගිණ.
කෙසේවෙතත් නව අගමැති මාරියෝ පවසා ඇත්තේ චීනය සමග සමීප සබදතා පැවැත්වීමේ පිළිවෙත අත්හැර දමා යුරෝපය සහ අත්ලන්තික් කලාපයේ රටවල් සමග සමීපව කටයුතු කිරීමට පියවර ගෙන ඇති බවයි.
