චීනය විසින් ඉන්දු පැසිෆික් කලාපය තුළ සිදුකරන අසාධාරණ බල ව්‍යාප්තියට මුහුණදීම සදහා සහය ලබාදෙන්නැයි ජපානය ජර්මනියෙන් ඉල්ලා තිබේ.
ජපාන සහ ජර්මන් විදේශ සහ ආරක්ෂක අමාත්‍යවරැන් අතර පැවති විශේෂ වීඩියෝ සමුලුවකදී ජපාන අමාත්‍යවරැන් මෙම ඉල්ලීම ඉදිරිපත් කර ඇති අතර මේ සදහා ජර්මන් අමාත්‍යවරැන්ගේ මූලික එකගතාවය පළව ඇතැයි විදෙස් මාධ්‍ය වාර්තා සදහන් කරයි.
චීනය විසින් ඉන්දු පැසිෆික් සාගර කලාපය තුළ සිදුකරන බල ව්‍යාපෘතිය පාලනය කිරීම සදහා ජපානය මේ වනවිට ලෝකයේ සෙසු රටවල් සමග එකගතා ගොඩනැංවීමේ වැඩපිලවෙලක යෙදී සිටී.
ඒ අනුව යුරෝපයේ ආර්ථික බලවතා වන ජර්මනිය සමග මෙම සාකච්ඡාව පවත්වා ඇති බව විදෙස් මාධ්‍ය වාර්තා වැඩිදුරටත් සදහන් කරයි.
