2020 ටෝකියෝ ඔලිම්පික් උළෙල සඳහා සුදුසුකම් ලබා ගැනීමට ජූඩෝ ක්‍රීඩක චාමර නුවන් ධර්මවර්ධන සමත්ව තිබෙනවා.
නිලූක කරුණාරත්න(බැඩ්මින්ටන්), ටෙහානි එගොඩවෙල(වෙඩි තැබීම), මැතිල්ඩා කාර්ල්සන්(අසුන් හැසිරවීම) සහ මිල්කා ගිහානි (ජිම්නාස්ටික්) ට පසු මෙවර ඔලිම්පික් උළෙල සඳහා සුදුසුකම් ලැබූ පස්වැනි ක්‍රීඩකයා වන්නේ චාමර නුවන්.
ඔහු ඔලිම්පික් උළෙලකට සුදුසුකම් ලැබූ දෙවැනි අවස්ථාව මෙයයි.
ඔහු 2016 රියෝ ඔලිම්පික් උළෙල දී කිලෝග්‍රෑම් 73 බර පන්තියෙන් ශ්‍රී ලංකාව නියෝජනය කළේ අවුරුදු 120ක ඉතිහාසය තුළ එම ඉසව්වෙන් ඔලිම්පික් වරම් ලැබූ පළමු ශ්‍රී ලාංකිකයා ලෙස ඉතිහාසගත වෙමින්.
එම ඔලිම්පික් උළෙලේ දී අවසන් 16 දෙනා අතරට පිවිසීමට ද චාමරට හැකි වුණා.
ඔහු නිමා වූ 2019 දකුණු ආසියානු ක්‍රීඩා උළෙලේ ජූඩෝ ඉසව්වෙහි රන් පදක්කමක් දිනා ගත්තා.
චාමර නුවන් 2020 ටෝකියෝ ඔලිම්පික් උළෙල ඉලක්ක කරගනිමින් ස්ලෝවැකියාහිදී විශේෂ පුහුණුවකට ද සහභාගී වුණා.
