පසුගිය වසර 20 තුළ සංශෝධනය නොකළ නීති 60කට අධිකරණ අමාත්‍යාංශය විසින් සංශෝධන ඉදිරිපත් කරන බව අධිකරණ අමාත්‍ය අලි සබ්රි පවසනවා.
බන්ධනාගාර කළමනාකරණ හා සිරකරුවන් පුනරුත්ථාපන කටයුතු රාජ්‍ය අමාත්‍යාංශයේ දී ඊයේ (13) පැවති හමුවකදී ඔහු මේ බව පැවසීය.
යෝජිත සංශෝධන පාර්ලිමේන්තුවට ඉදිරිපත් කිරීමට නියමිත බවයි ඔහු සඳහන් කළේ.
ඉදිරියේදී ක්‍රියාත්මක කිරීමට බලාපොරොත්තු වන ප්‍රගතිශීලී නීති පද්ධතියට ඒවා ඇතුළත් කිරීමට බලාපොරොත්තු වන බවත් අමාත්‍යවරයා පවසනවා.
රට ඉදිරියට ගෙන යාම සඳහා රජයේ නිලධාරීන් මෙන්ම පුරවැසියන් ද වගකීම් ඉටු කළ යුතු බවයි ඔහු වැඩිදුරටත් පෙන්වා දෙන්නේ.
පරීක්ෂණාත්මක කටයුතු වලින් තොරව ශ්‍රී ලංකාවට ඉදිරියට යාමට නොහැකි බවත් ඔහු අවධාරණය කර සිටිනවා.
