කඩාවැටුණු මහනුවර පස්මහල් ගොඩනැගිල්ලේ හිමිකරුට ඇප

තිදෙනෙකුට මරු කැඳවමින් කඩා වැටුණු මහනුවර – බූවැලිකඩ පස් මහල් ගොඩනැගිල්ලේ හිමිකරු වන අනුර ලෙව්කේ මහතා රුපියල් 25000 ක මුදල් හා රුපියල් ලක්ෂ පහ බැගින් වූ ශරීර ඇප දෙකක් මත මුදා හැරීමට මහනුවර මහාධිකරණ විනිසුරු M.U.ගුණවර්ධන මහතා අද (01) නියෝග කළා.
ගොඩනැගිල්ල කඩා වැටීමෙන් පසු මහනුවර පොලීසියේ අපරාධ අංශය මගින් අපරාධ චෝදනා යටතේ එහි හිමකරු වන අනුර ලෙව්කේ මහතා අත්අඩංගුවට ගනු ලැබුවා.
මහනුවර මහේස්ත්‍රාත් අධිකරණයට ඉදිරිපත් කිරීමෙන් පසු අවස්ථා තුනකදී රක්ෂිත බන්ධනාගාර ගත කරන ලද සැකකරුව අද (01) මහනුවර මහාධිකරණයෙන් ඇප හිමිවූයේ දින 64 කට පසුවයි.
විත්තිකරු වෙනුවෙන් ජනාධිපති නීතීඥ අනුර මැදගොඩ,සමන් තන්තිරිගේ හා මාධවී ලෙව්කේ යන මහත්ම මහත්මීන් පෙනී සිටියා.
කඩා වැටුණු පස් මහල් ගොඩනැගිල්ලට යාබදව පිහිටි හෝටලයක කාමරයක් තුළ සිටි එම හෝටලයේ හිමිකරු, ඔහුගේ බිරිඳ හා ඔවුන්ගේ දින 50 ක් වයසැති දියණිය මරණයට පත් වුණා.
නඩුව මෙම මස 08 දින යළි කැඳවීමට නියමිතයි.