බොලිවුඩයේ අතිශය ජනප්රිය තරු යුවළක් වන කත්රිනා කයිෆ් සහ විකී කෞෂාල් ගේ විවාහ මංගල්යය ඊයේ (07) ආරම්භ වන බව මාධ්ය වාර්තා කර තිබෙනවා.
ඔවුන්ගේ විවාහ මංගල්යය පිළිබඳ නිල වශයෙන් මාධ්ය වෙත දැනුම් දී නැති අතර එය දිගින් දිගටම පැවතුණේ රහසක් ලෙසයි.
කයිෆ්ගේ සමීපතම මිතුරකු ලෙස සැලකෙන සල්මාන් ඛාන් විවාහ මංගල්යය සඳහා සහභාගී නොවන නමුත් ඔහුගේ දිගුකාලීන ආරක්ෂකයකු වන ගුර්මීත් සිං වෙත විවාහය පැවැත්වෙන Six Senses Fort Barwara හි ආරක්ෂාව භාර දී ඇතැයි පැවසෙනවා.
කත්රිනා කයිෆ් ඉරිදා රාත්රියේ තම මව, සහෝදරයා සහ සහෝදරිය සමඟ ජායිපූර් හි කෞෂාල්ගේ නිවසට පැමිණ ඇති බවත් එය ඉන්දියානු චාරිත්රවලට අනුකූලව විවාහ දිනයට පෙර පවත්වනු ලබන පූර්ව උත්සයක් බව මාධ්ය ප්රකාශ කර තිබෙනවා.
මාධ්ය වාර්තාවලට අනුව මෙම යුවළ ඉන්දියාවේ රාජස්ථාන් ප්රාන්තයේ Six Senses Fort Barwara හි දී විවාහ වීමට නියමිත අතර විවාහ මංගල්යය අදින් ආරම්භ වෙනවා.
ඒ අනුව විවාහ මංගල්යයේ පළමු දිනය වන ඊයේ දිනයේ සංගීත උත්සව පැවැත්වෙනු අතර අද දිනයේ මෙහෙන්දි හෝ හෙනා උත්සවය පැවැත්වෙනු ඇති බව ද මාධ්ය වාර්තා පෙන්වා දී තිබෙනවා.