හිටපු සෞඛ්ය අමාත්ය කෙහෙළිය රඹුක්වැල්ල මහතාගේ දියණිය වන චමිත්රි රඹුක්වැල්ල මහත්මිය අද (27) පෙරවරුවේ ශ්රී ලංකා මානව හිමිකම් කොමිසම වෙත පැමිණ පැමිණිල්ලක් ඉදිරිපත් කරනු ලැබූවා.
ඉන් අනතුරුව මාධ්ය වෙත අදහස් දක්වමින් ඇය පවසා සිටියේ නීතියේ සාධාරණත්වය තම පියා හට නොලැබෙන බැවින් මෙම මානව හිමිකම් කඩවීම පිළිබදව තමන් මෙලෙස පැමිණිල්ලක් ඉදිරිපත් කළ බවයි.
පරීක්ෂණයකින් අනතුරුව ලැබෙන සාක්ෂි මත පුද්ගලයෙකු අත්අඩංගුවට ගැනීමක් සිදුවුවද තම පියාව අත්අඩංගුවට ගැනීමෙන් අනතුරුව මේ වන විට පරීක්ෂණ ක්රියාත්මක වන බව චමිත්රි රඹුක්වැල්ල මහත්මිය පෙන්වා දෙනවා.
මෙය අත්තනෝමතික අත්අඩංගුවට ගැනීමක් බවත් තම පියාට සාධාරණයක් ඉටුවේයැයි තමන් බලාපොරොත්තු වන බවත් ඇය මෙහිදී වැඩිදුරටත් සදහන් කළා.
පැවති රාජපක්ෂ රජය සමයේදී කෙහෙළිය රඹුක්වැල්ල මහතාගේ දියණිය වන චමිත්රි ජයනිකා රඹුක්වැල්ල මහත්මිය එක්සත් ජාතීන්ගේ සංවිධානයේ ශ්රී ලංකා නිත්ය නියෝජිත කාර්යාලයේ දෙවැනි ලේකම්වරිය ලෙස පත්කර යවනු ලැබූවා.
පසුව 2015 වසරේදී යහපාලන රජය බලයට පත්වීමත් සමඟ විදේශ රටවල පිහිටි ශ්රී ලංකා තානාපති කාර්යාල අනුයුක්තව දෙවැනි පෙළ දේශපාලන පත්වීම් ලැබූ 36 දෙනෙකු යළිත් මෙරටට කැඳවීමට තීරණය කළා.
එහිදී හිටපු අමාත්ය කෙහෙළිය රඹුක්වැල්ල මහතාගේ දියණිය වූ චමිත්රි රඹුක්වැල්ල මහත්මිය, හිටපු රාජ්ය ආරක්ෂක මාධ්ය ප්රධානී ලක්ෂ්මන් හුළුගල්ල, යෝෂිත රාජපක්ෂ මහතාගේ එවක පෙම්වතිය වූ යසාරා අබේනායක ඇතුළු පිරිසක් යළි මෙරටට කැඳවීමට විදේශ කටයුතු අමාත්යංශය කටයුතු කර තිබුණා.
අදාළ ලැයිස්තුව පහතින්,