ඉන්දියාවේ පැරණිතම ක්රිස්තියානි ප්රජාවක් කම්පනයට පත් කළ නඩුවක තීන්දුවක් එරට අධිකරණය විසින් ප්රකාශයට පත් කර තිබෙනවා.
ඒ අනුව 2014 සිට 2016 දක්වා කාලය තුළ කන්යා සොහොයුරියක් දූෂණය කළ බවට චෝදනා ලැබ සිටි බිෂොප්වරයෙකු නිදහස් කිරීමට ඉන්දීය ප්රාන්ත අධිකරණයක් නියෝග කළා.
තීන්දුව ප්රකාශයට පත්කරමින් කේරළයේ කෝට්ටයම් අතිරේක සැසි විනිසුරු ජී. ගෝපකුමාර් මහතා පැවසුවේ විත්තිකරුට එරෙහි සියලු චෝදනා ඔප්පු කිරීමට පැමිණිල්ල අපොහොසත් වූ බවයි.
අනතුරුව මාධ්ය වෙත අදහස් දක්වමින් මෙම තීන්දුවට එරෙහිව මහාධිකරණය හමුවේ අභියෝග කරන බව කන්යා සොහොයුරියගේ නීතීඥයින් පවසනවා.
54 හැවිරිදි බිෂොප්වරයෙක් වන ෆ්රැන්කෝ මුලක්කල් 2018 දී දකුණු කේරළ ප්රාන්තයේදී අත්අඩංගුවට ගැනුනද ඔහු තමන්ට එල්ලවන මෙම දූෂණ චෝදනා ප්රතික්ෂේප කර තිබුණා.
කේරළයේ කොට්ටායම් නගරයේ ඇය ජීවත් වූ කන්යාරාමයට ගිය අවස්ථාවේදී මෙම සිදුවීම වූ බවත්, බිෂොප්වරයා තමාව 13 වතාවක් දූෂණය කර ඇති බවත් කන්යා සොහොයුරිය එවක සදහන් කළා.
කතෝලික සභාව තම පැමිණිලි නොසලකා හැර ඇති බවට කන්යා සොහොයුරිය කළ චෝදනාවෙන් පසුව මෙම කරුණ සම්බන්ධයෙන් දැවැන්ත විරෝධතා සංවිධානය වුණා.
පසුව වතිකානුව විසින් බිෂොප්වරයා තාවකාලිකව රාජකාරිවලින් ඉවත් කරනු ලැබූවා.
කෙසේ වෙතත් වතිකානු නිලධාරීන්ද දූෂණ චෝදනා දෙස ඇස් කන් පියාගෙන සිටින බවට චෝදනා කරමින් බිෂොප්වරයාට එරෙහිව කන්යා සොහොයුරියන් විරෝධතාවයේ නිරත වුණා.
මේ හේතුවෙන් විනය අවවාද, ස්ථාන මාරුවීම් සහ සභාවෙන් නෙරපා හැරීම ඇතුළු විවිධ තාඩන පීඩනවලට බොහෝ කන්යා සොහොයුරියන් ගොදුරු වූ බවට චෝදනා එල්ල වුණා.
මෙම නඩු තීන්දුවෙන් අනතුරුව ඔවුන් අතර කම්පනය සහ කෝපය තව තවත් ඇවිලී ඇති බව විදෙස් මාධ්ය වාර්තා කරනවා.