මීට දින කිහිපයකට පෙර පකිස්තානයේ හයිද්රාබාද් හි හෝටලයකදී සින්දි ජනවර්ගයට අයත් බිලාල් කකා නමැති තරුණයෙකු ඇෆ්ගන් ජාතිකයන් විසින් ඝාතනය කිරීමත් සමග සින්ද් ප්රදේශයේ නීතිවිරෝධී ඇෆ්ගන් ජාතිකයන් පිළිබඳ බරපතල ප්රශ්නයක් මතුව ඇති බව වාර්තා වේ.
ඊද් උත්සවය අතරතුර ආපන ශාලාවක දී ආහාර බිල්පතක් සම්බන්ධයෙන් ඇතිවූ ගැටලුවක් මුල් කරගෙන බිලාල් කකාට පතාන් ජනවාර්ගික කණ්ඩායමක් විසින් වෙඩි තබා ඝාතනය කර තිබේ.
වෙඩි තැබූවන් හෝටල් හිමිකරුවන් බවත් එහිදී තවත් තරුණයන් දෙදෙනෙකුට තුවාල සිදුවී ඇති බවත් විදෙස් වාර්තාවල දැක්වේ.
පකිස්තාන වාර්තාවලට අනුව, පකිස්තානයේ සිටින නීතිවිරෝධී ඇෆ්ගනිස්ථාන පදිංචිකරුවන් මත්ද්රව්ය හා අධික පොලීයට මුදල් ණයට දීමේ යෙදී සිටිති.
පොලිස් බලධාරීන් සහ නීතිය ක්රියාත්මක කරන දෙපාර්තමේන්තු එවැනි අංශවලට එරෙහිව ක්රියා නොකරන බවට ද චෝදනාවක් එල්ල වී තිබේ.
මේ අතර බිලාල් කකා ඝාතනයට විරෝධය පළ කරමින් කකා ගෝත්රික විරෝධතාකරුවන් සිය ගණනක් සින්ද් පළාතේ ජාතික මහා මාර්ගයට පැමිණ විරෝධතාවයේ නිරත වී ඇති බව ද වාර්තා වේ.