අග්නිදිග ආසියාතික රාජ්‍යයක් වන ලාඕසය, තීව‍්‍ර වන ආර්ථික හා මූල්‍ය අර්බුදවලට මුහුණ දී සිටින අතර යම් ආකාරයක චීන ණය සහනයකින් තොරව ගැලවීමට මගක් නැති බව විදෙස් මාධ්‍ය වාර්තා කර තිබේ.
ලාඕසය, චීනයේ මුල්‍යාධාර මත අධිවේගී දුම්රිය මාර්ග පද්ධතියක් තැනීමෙන් පසු ණය ගෙවීම පැහැර හැරීමේ අවස්ථාවකට මුහුණ දී සිටියි.
ටෝකියෝ විශ්ව විද්‍යාලයේ මහජන ප්‍රතිපත්ති පිළිබඳ මහාචාර්යවරයෙකු වන ටොෂිරෝ නිෂිසාවා පවසන්නේ ලාඕසය ආර්ථික හා මූල්‍ය දුෂ්කරතාවලට මුහුණ දෙන බවට සැකයක් නැති නමුත් චීනය ලාඕසයට ණය ගෙවීම පැහැර හැරීමට ඉඩ දෙනු ඇතැයි ඔහු නොසිතන බවයි.
චීනයට ලාඕසය ගෙවීමට ඇති නියම ණය ප්‍රමාණය විවාදාත්මක වන අතර එය ඇමරිකානු ඩොලර් බිලියන 7.2 ක් පමණ බවත් එය රටේ නිල ණය වන ඩොලර් බිලියන 14.5 න් අඩකට ආසන්න ප්‍රමාණයක් බවත් ලෝක බැංකුව ගණන් බලා ඇති බව ඒෂියා ටයිම්ස් වාර්තා කර තිබේ.
ෙහාවඩ් ව්‍යාපාර සමාලෝචනය 2020 දී ඇස්තමේන්තු කර ඇත්තේ චීන රාජ්‍යය සහ එහි අනුබද්ධ සමාගම් ලොව පුරා රටවල් 150 කට වැඩි ගණනකට සෘජු ණය සහ වෙළඳ ණය වශයෙන් ඩොලර් ට්‍රිලියන 1.5 ක් පමණ ලබා දී ඇති බවයි.
