දියතලාව ෆොක්ස් හිල් සුපර් ක්රොස් තරගාවලිය අතරතුර සිදු වූ අනතුරින් තවත් පුද්ගලයෙක් මියගොස් තිබෙනවා.
ඒ අනුව එම අනතුරින් මිය ගිය ගණන 7ක් වන අතර මෙම ධාවන තරගයේ සහයකවරුන් 4 දෙනෙකු ද මියගොස් ඇති බව පොලිස් මාධ්ය ප්රකාශකවරයා සදහන් කරනවා.
අනතුරින් තුවාල ලැබූ සංඛ්යාව 23ක් දක්වා ඉහළ ගොස් ඇති බව යුධ හමුදා මාධ්ය ප්රකාශක බ්රිගේඩියර් රවී හේරත් මහතා පවසනවා.
මේ අතර බරපතල තුවාල ලබා සිටි එක් තුවාලකරුවෙක් බදුල්ල රෝහල වෙත මාරු කර යවා තිබෙනවා.
අදාළ අනතුර හේතුවෙන් ෆොක්ස් හිල් සුපර්ක්රොස් තරගාවලියේ පැවැත්වීමට තිබූ ඉදිරි තරග සියල්ලමද අත්හිටුවීමට සංවිධායකයන් කටයුතු කර තිබෙන බවට වාර්තා වනවා.
ෆොක්ස් හිල් සුපර් ක්රොස් තරගාවලියේ 17 වැනි ඉසව්ව ලෙසින් ක්රියාත්මක වූ SLH 2000cc ධාවන ඉසව්වේ දී මෙම අනතුර සිදුව ඇති අතර, එලෙස අනතුරට පත් ව ඇත්තේ සුබාරු ලෙගසි වර්ගයේ මෝටර් රථයක් බවයි වාර්තා වන්නේ.