සුදුසුම වෙලාවේ බලවත්ම සන්ධානය එලියට දමන බව එක්සත් ජාතික පක්ෂයේ කොළඹ දිස්ත්රික් නායක හිටපු මුදල් අමාත්ය රවී කරුණානායක මහතා පවසනවා.
මේ වන විට හතු පිපෙනවා සේ හැදෙන සන්ධාන වලින් වැඩක් නැති බව පැවසු කරුණානායක මහතා ඇතැම් සන්ධාන බිඳ වැටෙමින් තිබෙන බව සඳහන් කරනවා.
එළඹෙන මැයි දින සැමරුම හරහා එක්සත් ජාතික පක්ෂයේ බලය පෙන්වීමට සූදානම් බව පැවසු කරුණානායක මහතා පක්ෂය හැරගිය පිරිසගෙන් 90%ක් පමණ නැවත පක්ෂයට එකතු වීමට සාකච්ඡා කරමින් සිටින බව සඳහන් කළා.
කොළඹදී මාධ්ය හමුවක් කැඳවමින් රවී කරුණානායක මහතා මේ බව සඳහන් කර සිටියා.
හැමදාමත් එක්සත් ජාතික පක්ෂය ශක්තිමත්ව බලයේ සිටි අවස්ථාවේ රට සංවර්ධනය වූ බවත් ජාතික පක්ෂය දුර්වල වූ අවස්ථාවේ රට බංකොලොත් වූ බවත් රවී කරුණානායක මහතා පවසනවා.
වැඩ කරන,රට හදන සන්ධානයක් නිර්මාණය කරමින් සිටින බව පැවසු කරුණානායක මහතා රට වෙනුවෙන් නිවැරදි තීන්දු තීරණ ගන්න නොහැකි පාර්ශව සමඟ සන්ධාන හදා තේරුමක් නැති බව සඳහන් කර සිටියා.