නිවැරදි පටිපාටියෙන් බැහැරව ශ්රී ලංකාව තුළ කිසිදු වාහන එකලස් කිරීමේ කටයුත්තකට ඉඩ නොතබන බව කර්මාන්ත අමාත්ය විමල් වීරවංශ මහතා පවසනවා.
මෙරට තුල වාහන නිෂ්පාදනය, වාහන එකලස් කිරීමේ හා වාහන අමතර උපාංග නිෂ්පාදනය කිරීමේ කර්මාන්ත පිළිබඳ සම්මත මෙහෙයුම් පටිපාටියක් (Standard Operating Procedures) හෙවත් එම කර්මාන්ත ක්ෂේත්රයේ විශ්වාසයෙන් යුතුව ආයෝජනය කළ හැකි නිශ්චිත රාජ්ය ප්රතිපත්තිමය රාමුවක් කර්මාන්ත අමාත්යාංශය මගින් සකස් කර දී ඇති බවයි ඒ මහතා අවධාරණය කර සිටින්නේ.
එබැවින් වාහන නිෂ්පාදනයට හෝ එකලස් කිරීමට අදාළ වෙනත් කැබිනට් පත්රිකා ඉදිරිපත් කිරීමේ කිසිදු අවශ්යතාවක් පැන නොනගින බවත් අමාත්යවරයා වැඩිදුරටත් අවධාරණය කර සිටිනවා.
ශ්රී ලංකාව තුළ වාහන එකලස් කිරීමේ කර්මාන්තයෙහි ආයතන 11ක් මේ වන විට නිරතව සිටින බවත් මෙම ආයතන 11 විසින් මෝටර් සයිකල්, මෝටර් රථ මෙන්ම ලොරි රථ වැනි වාණිජ වාහන එකලස් කිරීමේ කටයුතු සිදු කරන බවත් ඉදිරියේදී “මේඩ් ඉන් ශ්රී ලංකා” වාහන නිපදවෙනු ඇතිබවත් ඔහු පවසනවා.