රැඳවියන් 11 දෙනෙකු ඝාතනය කර තවත් රැඳවියන් 100 දෙනෙක් අදික පිරිසකට තුවාල සිදු කළ මහර බන්ධනාගාරයේ සමුලඝාතනය ඇසින් දුටු සාක්ෂි හෙළි කර ගැනීම සඳහා රජය වහාම පියවර ගත යුතු බව සිරකරු අයිතිවාසිකම් සුරැකීමේ කමිටුවේ පවසයි.
එහි සභාපති නීතිඥ සේනක පෙරේරා එම යෝජනාව රජයට ඉදිරිපත් කලේ 2020 ජනවාරි 3 ඉරිදා කොළඹදී පැවැති මාධ්‍ය සාකච්ඡාවකදීය.
මහර බන්ධනාගාරයේ ඇති වු ගැටුම ඇසින් දුටු සාක්ෂිකාර රැඳවියන්ට තම සාක්ෂි ඉදිරිපත් කිරීමට හා පැමිණිලි කිරීමට සිදුව ඇත්තේ අපරාධකරුවන් වෙතම බවද සේනක මහතා පැවසීය.
එම ගැටුමේදී පොදු දේපල වලට හානි සිදු කළ බවට චෝදනා ගොනු කරමින් රැඳවියන්ට නඩු පැවරීම හරහා සාක්ෂිකරුවන්ට බලපෑම් සිදු නොකළ යුතු බවත් ඒ මහතා පැවසීය.
සිද්ධිය ඇසින් දුටු සාක්ෂිකරුවන්ට බන්ධනාගාරය තුලදී විවිධ වධ හිංසන එල්ල වන බවත් සිරකරු අයිතිවාසිකම් සුරැකීමේ කමිටුවේ ලේකම් සුදේශ් නන්දිමාල් සිල්වා එහිදී පැවසීය.
තවද මහර ගැටුමෙන් දැඩි ලෙස තුවාල ලැබු චානක නාමල් කීර්තිරත්න නම් රැඳවියකු මේ වන විට කෝමා තත්වයේ දැඩි සත්කාර ඒකකයේ ප්‍රතිකාර ලබන බවය.
