හිටපු ජනපති මෛත්‍රීපාල සිරිසේන යනු කිසිම ප්‍රතිපත්තියක් නැති අයෙක් බව කාන්තා හා ළමා සංවර්ධන,පෙර පාසල් හා ප්‍රාථමික අධ්‍යාපන පාසල් යටිතල පහසුකම් හා අධ්‍යාපන සේවා රාජ්‍ය අමාත්‍ය පියල් නිශාන්ත මහතා පවසනවා.
ඒ, ඊයේ (13) සිය රාජ්‍ය අමාත්‍යංශයේදී පැවති මාධ්‍ය හමුවක් අමතමින්.
ඔහුගේ දියණිය ලියූ ‘ජනාධිපති තාත්තා’ කෘතිය කියවන ඕනෑම කෙනෙකුට ඒ බව තහවුරු කරගත හැකි බවයි රාජ්‍ය අමාත්‍යවරයා පවසන්නේ.
ආණ්ඩුව නියෝජනය කරන සියලු සාමාජිකයන් සියලු ප්‍රශ්න සාකච්ඡා කර විසඳා ගත යුතු බව පෙන්වා දෙන පියල් නිශාන්ත මහතා පවසන්නේ එසේ කටයුතු කළ නොහැකි නම් ආණ්ඩුවෙන් ඉවත්ව යා යුතු බවයි.
කශේරුකවක් තිබේ නම් කශේරුකාවක් තිබෙන බව පෙන්විය යුතු බවත් ඒ සදහා බෝක්කු උඩ, පාලම් උඩ කතා නොකොර ආණ්ඩුවේ කන්ඩායම් රැස්වේම්වල කෙලින් කතා කළ යුතු බවත් රාජ්‍ය අමාත්‍ය පියල් නිශාන්ත මහතා පවසනවා.
වසර හයක කාලයක් සඳහා බලයට පත් වූ ආණ්ඩුවට කොවිඩ් අර්බුදය හේතුවෙන් වසර දෙකක් සම්පූර්ණයෙන් අපතේ හැරීමට සිදු වූ බවත්, ඉදිරි කාලය තුළ ජනතා බලාපොරොත්තු ඉටු කිරීමට මිස එක් එක් පුද්ගලයන් සිදු කරන පදනම් විරහිත චෝදනා, විවේචන පිළිබඳව සොයා බලමින් කාලය කා දැමීමට නොහැකි බවත් ඔහු පවසනවා.
