කෝටි පහකට අධික ඇම්බර්ග්‍රිස් හෙවත් තල්මස් වමනය ලෙස හැදින්වෙන වටිනා ද්‍රව්‍ය ළඟ තබාගත් පුද්ගලයෙකු නියදගල – පන්නිපිටිය ප්‍රදේශයේදී පොලිස් විශේෂ කාර්ය බලකාය අත්අඩංගුවට ගෙන තිබෙනවා.
මෙලෙස අත්අඩංගුවට ගෙන ඇත්තේ මීගොඩ ප්‍රදේශයේ පදිංචි 31 හැවිරිදි පුද්ගලයෙක්.
ඊයේ (20) සිදුකළ මෙම වැටලීමේදී සැකකරු සතුව තිබී ඇම්බර්ග්‍රිස් කිලෝ 14 යි ග්‍රෑම් 300 ක් සොයාගෙන ඇති බව පොලීසිය සදහන් කරනවා.
ලොව මිල අධිකම සුවඳ විලවුන් නිපදවීම සඳහා ඇම්බර්ග්‍රිස් යොදාගනු ලබනවා.
ඇම්බර්ග්‍රිස් සෑදී ඇත්තේ තල්මසුන්ගේ බඩවැල්වල ආශ්‍රිතව ඇති පිත්තාශයේ ශ්‍රාවය සහ තල්මස් ශුක්‍රාණුවලින් වන අතර ඒවා ඇතැම්විට වෙරළට ගසාගෙන විත් හෝ මුහුදේ පාවෙමින් තිබියදී ඉතා කලාතුරකින් හමුවනවා.
එය ඉතාමත් විරලවීම නිසාවෙන් තල්මසුන් දඩයම් කර ඇම්බර්ග්‍රිස් ලබාගැනීම හේතුවෙන් තල්මසුන් වඳවීමේ තර්ජනයටද මුහුණපා තිබෙනවා.
ඉතා හොඳ තත්ත්වයේ ඇම්බර්ග්‍රිස් කිලෝවක් ඇමරිකානු ඩොලර් 27000 ක් හෙවත් රුපියල් ලක්ෂ 85 ක් පමණ වනවා.
